Thin ni Ngan Weliy u Murung’agen e Pi Magazine
Fare Wulyang Ntagil’ E Damit May 2010
“Uw rogon u wan’um, Bible e Thin rok Got, fa ga be lemnag ni kemus ni yugu ba ke babyor? [Mmotoyil ko n’en nra yog.] Mu tay fanam i yan ko n’en ni be yog e Bible. [Mu beeg e 2 Timothy 3:16, 17.] Re ke babyor ney e ra ayuwegdad u rogon ni ngad nanged e fulweg ko re deer ney nge fan nthingar da nanged.”
Fare Wulyang Ntagil’ E Damit May 2010
Mu beeg e Exodus 20:15, mag gaar: “Yugu aram rogon ni boor e girdi’ ni yad ma guy rogon ni ngar folgad ko re motochiyel ney, machane ku bay boch i yad ni ma lemnag nde kireb ni ngan moro’ro’ ni faanra kan gafgow. Uw rogon ni ga be lemnag e re n’ey? [Mmotoyil ko n’en nra yog.] Re ke babyor ney e be weliy boch i angin e yul’yul’.” Mu dag fare thin ngak ni bay ko page 12.
Fare Wulyang Ntagil’ E Damit June 2010
“Ka am lemnag ko mang fan ni ke pag Got e gafgow? [Mmotoyil ko n’en nra yog.] Am motoyil nga rogon ni fith be’ ni un i yoloy e Bible e re deer ni baaray ni ke yoor e girdi’ ni ke fith. [Mu beeg e Psalm 10:1.] Re ke babyor ney e be tamilangnag e n’en ni be yog e Bible u murung’agen fan ni ke pag Got e gafgow nge n’en ni be rin’ ni nge warnag.”
Fare Wulyang Ntagil’ E Damit June 2010
“Boor e fel’ yangaren ni yad be lied yad, ma aray reb e magawon ni boor i gadad e ma magafan’rad ngay. Mang e ga be lemnag nra ayuweg reb e fel’ yangaren ni nge dabi li’ ir? [Mmotoyil ko n’en nra yog.] Am tay fanam i yan ko n’en ni be yog e Bible. [Mu beeg e James 1:19.] Re thin ni baaray ko page 31 e be tamilangnag rogon ni ngan ayuweg e piin fel’ yangaren ni ngaur weliyed lanin’rad ya nge yog nni motoyil ngorad min ayuwegrad.”