Thin ni Nga Nog u Murung’agen e Pi Magazine
Fare Wulyang Ntagil’ E Damit November 2010
“Girdi’ u ga’ngin yang e fayleng nib thilthil e teliw rorad e yad ma meybil ngak Got. Machane uw rogon u wan’um, ma rung’ag Got e meybil ma ma fulweg taban, fa? [Mmotoyil ko n’en nra yog.] Be pi’ e Bible e athamgil nga lanin’dad ni ngaud meybilgad. [Mu beeg e Filippi 4:6, 7.] Re ke babyor ney e be pi’ e fulweg u lal e deer ni ma fith e girdi’ u murung’agen e meybil. Ma pi fulweg ney e ba puluw ko BIble.”
Fare Wulyang Ntagil’ E Damit November 2010
“Nap’an nra yog e girdi’ fare meybil ni ‘Chitamangimad’ ma aram e yad be ning Gil’ilungun Got ni nge yib. Mang e ga be lemnag nra buch u nap’an nra yib Gil’ilungun Got? [Mmotoyil ko n’en nra yog.] Be yog e Bible ni boor ban’en nib fel’ nra buch. [Mu beeg e Isaiah 25:8.] Fapi thin ni bay ko page 7 e be weliy e n’en nra rin’ Gil’ilungun Got.”
Fare Wulyang Ntagil’ E Damit December 2010
“Gad gubin ni gad ba adag ni nge fel’ u wan’dad e tin bay rodad. Ga be lemnag ni fin ra yog e salpiy ngodad mfin aram e rayog ni ngad pared ni ke fel’ lanin’dad? [Mmotoyil ko n’en nra yog.] Immoy be’ ni yoloy reb e babyor ko Bible ni i par nib fel’ u wan’ e tin bay rok ni yugu aram rogon ni buchuuw ban’en rok. [Mu beeg e Filippi 4:11, 12.] Re ke babyor ney e be weliy lal e kanawo’ nrayog ni nge fel’ u wan’dad e tin bay rodad.”
Fare Wulyang Ntagil’ E Damit December 2010
“Ga be lemnag ni be mo’maw’ rogon ni nge fil e gallabthir ngak pi fakrad rogon ni ngaur rin’ed e tin nib fel’, fa? [Mmotoyil ko n’en nra yog.] Be weliy e Bible fan nib mo’maw’. [Mu beeg e 2 Timothy 3:1, 3.] Reb e ban’en nib mo’maw’ ko gallabthir ni ngar weliyed ngak e bitir rorad e murung’agen e par ko pumoon nge ppin. Fapi thin ni bay aray ko page 18 e be weliy rogon ni ngan weliy murung’agen e pi n’ey ko bitir.”