Deer

◼ Uw rogon ma gad nang ko ngad pied e babyor ngak be’ fa danga’?

N’en th’abi ga’ fan ni ngad lemnaged e, rriyul’ ni baadag facha’ e machib fa danga’. Faanra gad be guy ni baadag, ma rayog ni ngad pied l’agruw ken e magazine ngak, ara reb e brochure, ara ba ken e babyor, ara yugu boch e babyor ni gad be pi’. Rayog ni ngad pied e pi babyor ney ni yugu aram rogon ni gad be guy ndabiyog ni nge pi’ facha’ e salpiy ni ayuw. (Job 34:19; Rev. 22:17) Machane, dab da pied e babyor rodad ngak e piin dubrad ni ngar beeged.​—Matt. 7:6.

Uw rogon ma gad nang ni baadag be’ e machib? Reb e kanawo’ e faanra baadag ni nge non ngodad. Faanra be motoyil u nap’an ni gad be non, ma be fulweg e deer ni gad be fith ngak, ma be weliy laniyan’ ko n’en ni gad be weliy, ma aram e pow riy ni baadag e n’en ni gad be weliy. Faanra be yaliy e n’en ni yibe beeg u Bible, ma aram e be m’ug ni be tayfan e Thin rok Got. Ba ga’ nib fel’ ni ngan fith ngak ko ra beeg fare babyor ni yira pi’ ngak fa danga’. Nap’an ni gad be machib u kanawo’, ma de fel’ ni ngad pied e magazine, ara brochure, ara yu ken e babyor ngak urngin e girdi’ ni be yib i yan u toobdad. Faanra dawori tamilang u wan’dad ko baadag be’ e machib fa danga’, mab fel’ ni ngad pied reb e handbill ara tract ngak.

Ku er rogon e pi babyor ni ma fek e pi walag ko gin ni yima tay e babyor riy u Kingdom Hall ni ngar pied u nap’an e machib. Susun e ngar feked urngin nrayog ni ngar wereged, ma gathi ngar feked e babyor ni be yan u urngin e salpiy ni ayuw ni yad ma pi’. Salpiy ni ayuw ni gad ma pi’ e gathi ngan pi’ puluwon e pi babyor ney ngay, ya nge ayuweg gubin ban’en ni gad ma rin’ ni fan ko fare maruwel ni machib ni gad ma tay u ga’ngin yang e fayleng. Demtrug urngin e salpiy rodad ma feni ga’ fan e re maruwel ney u wan’dad e ra k’aringdad ni ngad pied e ayuw ni bochan e gad baadag, ma gathi bochan e boor rodad ma gad be pi’ boch riy ni ayuw. (Mark 12:41-44; 2 Kor. 9:7) Re n’ey e ku ra k’aringdad ni ngad feked urngin e babyor nib t’uf rodad ya nge dab da adbeyed e salpiy ni kan fanay ni ngan fal’eg e pi babyor ney.

[Blurb ko page 2]

Thingari fal’eg e pi tamachib i yaliy e en ni yad be machibnag ya nge yog nra nanged ko baadag e machib fa danga’