Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni July

“Gur, ga be guy ni teliw e be k’aring e t’ufeg nge gapas fa fanenikan nge cham? [Mmotoyil ko n’en nra yog.] Nggu dag ngom ban’en ni bay rogon ko re n’ey.” Ngemu’ mag pi’ ba ken e Wulyang ko Damit ni June 1 ngak, ma gimew ra weliy e pi n’en ni bay u tan fa bin som’on e subheading ni bay ko page 26 ma ngam beegew reb e thin nu Bible. Mu pi’ ngak fare babyor ma nga mog ngak ni ngam sul ngak ya ngam weliyew e bin migid e deer.

Fare Wulyang ko Damit June 2012

“Boor e girdi’ ni yad be lemnag nib fel’ ni nge un e teliw nga ngongolen e am, ma boch i yad e yad be lemnag ni teliw nge am e dabiyog ni nge par nga taabang. Uw rogon u wan’um? [Mmotoyil ko n’en nra yog.] Mu tay fanam i yan ko mang e i rin’ Jesus u nap’an ni guy ni baadag e girdi’ ni nge un nga ngongolen e am ko ngiyal’ nem. [Mu beeg e John 6:15.] Re ke babyor ney e be weliy fan e n’en ni rin’ Jesus maku be weliy murung’agen e bin th’abi fel’ e kanawo’ nrayog ni nge ayuweg e Kristiano e girdi’.”

Fare Wulyang ko Damit June 2012

“Ga be lemnag ni Bible e Thin rok Got, ara kemus ni babyor nib fel’? [Mmotoyil ko n’en nra yog.] Mu tay fanam i yan ko n’en ni be yog e Bible. [Mu beeg e 2 Peter 1:21, mag dag e article ni bay ko page 28.] Re ke babyor ney e be dag ko mang fan nrayog ni ngad pagedan’dad ngay ni Bible e yib rok Got.”