Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni November

“Boor e girdi’ ni yad be lemnag nnap’an fare Rran ko Pufthin, ma yira pufthinnagrad u rogon e ngongol ni ur rin’ed. Uw rogon u wan’um, aram e tayim ni ma k’aring e felfelan’ fa yima tatamdag ngay? [Mmotoyil ko n’en nra yog.] Mu tay fanam i yan ko n’en ni be yog e re ke babyor ney.” Mag pi’ ba ken e Wulyang ko Damit ni October 1 ngak, ma gimew ra weliy e pi n’en ni bay ko page 16 ma ngam beegew reb e thin nu Bible. Mu pi’ ngak fare babyor, ma nga mog ngak ni ngam sul ngak ya ngam weliyew e bin migid e deer.

Fare Wulyang ko Damit October 2012

“Boor yang u fayleng ni piin ni ppin ni yad ma par riy e yima laniyan’ ngorad ma yima gafgownagrad. Ma machib ko pi yurba’ i teliw e be gelnag e re magawon ney. Gur, riyul’ nib ga’ fan e piin ni ppin u wan’ Got? [Mmotoyil ko n’en nra yog.] Mu tay fanam i yan ko mang e be yog e Bible ngak e piin figirngiy ko uw rogon ni ngar ngongolgad ngak e piin leengirad. [Mu beeg e Efesus 5:28, 29.] Re ke babyor ney e be dag ko uw rogon e piin ni ppin u wan’ Got u rogon ni be yog e Bible.”

Fare Wulyang ko Damit October 2012

“Kab kakrom i yib, ma piin ni ppin e yima laniyan’ ngorad ma yima cham ngorad. Uw rogon u wan’um, mang fan ni yima rin’ ngorad ni aram rogon? [Mmotoyil ko n’en nra yog.] Mu tay fanam i yan ko mang e be yog e Bible ngak e piin figirngiy u rogon ni ngar ngongolgad ngak e pi leengirad. [Mu beeg e 1 Peter 3:7.] Re ke babyor ney e be dag ko uw rogon e piin ni ppin u wan’ Got nge Kristus u rogon ni be yog e Bible.”