Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni August

“Ba ga’ ni yooren e girdi’ ko binaw rodad e yad baadag ni ngar mageygad ni yad ba fas nib n’uw nap’an, ma yad ba felfelan’. Ere, gamad baadag ni nggu nanged rogon e tafinay rom ko re deer ni baaray: Ga be lemnag ma bay ba ngiyal’ nrayog ni nge ayuwegdad e science nge falay ni ngad mageygad ni gadad ba fas ndariy n’umngin nap’an? [Mmotoyil ko n’en nra yog.] Mu tay fanam i yan ko n’en ni be yog u roy.” Mu dag keru’ fare Wulyang ko Damit ko July 1, ma gimew weliy e thin u tan fa bin som’on e deer, ma gimew beeg taareb e thin nu Bible ni bay riy. Mu pi’ fare babyor ngak, ma gimew weliy ko wuin e ngam sul ngam weliyew murung’agen e bin migid e deer.

Mu tay fanam i yan riy: Re n’ey e thingar ni yan u yaan u nap’an e muulung ni fan ko machib ko August 3.

Fare Wulyang ko Damit July 1

“Boor e girdi’ ni kug nonad ngorad ni bay e teliw rorad. Machane, yugu boch e girdi’ e ka rogned ni dakir pagan’rad ko teliw. Uw rogon e teliw u wan’um? [Mmotoyil ko n’en nra yog.] Ke yog Jesus boch e thin nra ayuwegdad u nap’an ni ngad fal’eged i yaliy e teliw. [Mu beeg e Luke 6:44a.] Re magazine ney e be tamilangnag boch ban’en nde puluw ni be rin’ e teliw. Maku be pi’ e fulweg ko fare deer ni, Bay barba’ i teliw nrayog ni nge pagan’um ngay?”