Mu Fil ko Bitir Rom Boch Ban’en ni Bay ko Web Site Rodad
1. Mang fan ni bay bang ko fare Web site rodad ni “Children”?
1 Fare Web site rodad ni jw.org e kan ngongliy rogon ni fan ngak urngin e girdi’. Bay bang riy ni bay fare bugithin riy ni “Children” (Mu diliiy fare bugithin ni Bible Teachings, ngemu’ mag diliiy fare bugithin ni Children). Re n’ey e ra ayuweg e piin bitir nge gallabthir ni nge chugur e tha’ u thilrad, ma ngki chugur e tha u thilrad Jehovah. (Deut. 6:6, 7) Uw rogon nrayog ni ngam fanay e re n’ey ni ngam fil ban’en ko bitir rom?
2. Uw rogon ni ngam mel’eg boch ban’en ni ngam fil ko bitir rom nra m’ag nga yangaren?
2 Ngam Nang Rarogon e Bitir Rom: Ra reb e bitir ma rogon. (1 Kor. 13:11) Ere, uw rogon ni ngam mel’eg boch ban’en ni ngam fil ko bitir rom nra m’ag nga yangaren? Mu fithem ni nge lungum: ‘Mang boch ban’en nra adag e bitir rog? Uw urngin ban’en nrayog ni nge mit ngak? Uw n’umngin nap’an nrayog ni nge tiyan’ nga ban’en?’ Rayog ni ngam fanay boch ban’en ni bay ko “My Bible Lessons” ni ngam fil ko bitir rom ni dalip e duw yangaren nga but’. Bay boch e tabinaw ni yad baadag e thin ni bay ko “Teach Your Children.” Ku baaray boch ban’en nrayog ni ngam rin’.
3. Uw rogon nrayog ni nge fanay e gallabthir boch ban’en ni bay ko fare thin ni kenggin e “Family Worship Projects”?
3 Family Worship Projects: Pi n’ey e kan ngongliy ni nge ayuweg e pi matam u rogon ni ngar filed ban’en ko bitir rorad. Mu diliiy fare bugithin ni download, ngemu’ mag beeg e thin ni bay ko “Parents’ Guide” ni bay boch ban’en riy nrayog ni ngan fil ko bitir. Rayog ni ngam fanay boch e sasing ni bay riy ni kan ngongliy rogon ni fan ko bitir ni ngar acheyed. Mu ayuweg e bitir ni ke ilal boch ni nge fal’eg boch ban’en ni bay ko study activities. Gubin e pi n’ey ni bay rogon ko pi chep ni bay u Bible ara ku boch ban’en nrayog ni ngan fil. Ere, gubin ban’en ni bay riy nrayog ni nge yib angin ko bitir ndemtrug yangaren u nap’an e fol Bible ni tabinaw.
4. Mang e bay ko fare thin ni kenggin e “Become Jehovah’s Friend”?
4 Become Jehovah’s Friend: Pi video, nge tang, nge ku boch ban’en ni bay ko re Web site ney e ra ayuweg e gallabthir ni ngar filed e Thin rok Got ngak pi fakrad. (Deut. 31:12) Gubin e pi video ni bay riy nra fil e bitir ban’en nib ga’ fan riy. Bay boch ban’en riy ni nge fal’eg e bitir ni ka nog e search-and-find games ngay ara boch e sasing ni bay boch ban’en riy ni nge gay e bitir. Pi n’ey e be tamilangnag feni ga’ fan ni ngan fol ko pi n’en ni kan fil ko fapi video. Ba ga’ ni baadag e bitir ni nga i tang. Ma tang e ku rayog ni nge ayuweg e bitir ni nge mit ngorad boch ban’en ni kar filed. Ere, aram fan ni ku bay e tang ko muulung nge ku boch e tang ni kan tay ko re Web site ney ni fan ko piin bitir.
5. Mang fan nthingari ning e piin gallabthir e ayuw ngak Jehovah u rogon ni ngar filed e tin riyul’ ngak pi fakrad?
5 Gimed e piin gallabthir e baadag Jehovah ni ngam ayuweged pi fakmed nib fel’ rogon. Ere, mu ninged e ayuw ngak u rogon ni ngam filed e tin riyul’ ngak pi fakmed. (Judg. 13:8) Rayog ni nge ayuwegmed Jehovah ngam filed ngorad rogon ni nge tamilangan’rad u “rogon ni yima thap ngak Got, ni ma yog u daken e michan’ ngak Kristus Jesus.”—2 Tim. 3:15; Prov. 4:1-4.