Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni March

“Gamad be yan u roy e daba’ ni gamad be pining e girdi’ nga reb e madnom nrib ga’ fan ni yira tay ko April 14. Aram e rofen nra yan i aw e puguran ko yam’ ni tay Jesus ngay. Boch e girdi’ e yad ra madnomnag e rofen nem ni bochan e yad be lemnag nib ga’ fan e yam’ ni tay Jesus. Ma boch e girdi’ e dar nanged feni ga’ fan e yam’ ni tay Jesus. Ga be lemnag nra yib angin e yam’ ni tay Jesus ngodad?” Mmotoyil ko n’en nra yog. Mag dag ngak e thin ni bay ko bin tomur e page ko fare Wulyang ko Damit ko March 1, mi gimew weliy e thin ni bay u tan e bin som’on e deer nge reb e thin nu Bible ni bay riy. Mu pi’ fare magazine ngak, mi gimew dugliy e rofen ni ngkum sul ngam weliyew e bin migid e deer ni bay riy.

Fare Wulyang ko Damit March 1

“Boor e girdi’ e yad ma lemnag ko mang fan nder chuweg Got e gafgow nge tin nde mat’aw ni be buch. Uw rogon u wan’um, ga be lemnag nder rin’ ni bochan e der lemnagdad ara bochan ni be lemnag nib fel’ ni nga i gafgow e girdi’? [Mmotoyil ko n’en nra yog. Mag beeg e John 3:16.] Yugu aram rogon ni boor e girdi’ ni yad ma weliy e thin ni bay ko re verse ney ni bochan e ngar daged ni ma lemnagdad Got, machane dar nanged rogon nra yib angin e yam’ ni tay fak Got ngorad. Re ke babyor ney e be weliy rogon nrayog ni nge chuw e gafgow nge tin nde mat’aw u daken e yam’ ni tay Jesus.”