Mu Pag Gelngin e Thin rok Got ni Nge Pow’iy Rogon e Machib ni Ga Be Tay

Nap’an ni gad ra mada’nag be’ nrayog ni ngad weliyed murung’agen fare thin nib fel’ ngak, ma gad baadag ni ngad paged gelngin e Thin rok Got ni nge ayuweg ni aram e gad ma beeg e thin riy ngak u lan e Bible. Aram e n’en ni kan tamilangnag u nap’an fare special assembly day ko fa binem e duw. Bay reb e welthin ni pi’ faen ni ma lekag e ulung ni kenggin e “Mu Pag Gelngin e Thin rok Got ni Nge Pow’iy Rogon e Machib ni Ga Be Tay.” Ka ga manang e pi n’en ni kan weliy ko re welthin nem?

• Mang fan nib gel gelngin e thin rok Jehovah ko thin ni gad ma yog?​—2 Tim. 3:16, 17.

• Uw rogon ma thin ni kan tay nga lan e Bible e rayog ni nge taw nga gum’ircha’dad, nge lem rodad, me thilyeg rarogon e ngongol rodad?​—Mu guy Fare Wulyang ko Damit, ko June 1, 2012, ko p. 30, ko par. 7.

• Ra ngad beeged reb e Thin rok Got ngak be’ u nap’an e machib, ma uw rogon ni ngad ayuweged ni nge ga’ fan u wan’ e thin rok Got?​—Mu guy fare babyor ni kenggin e Ministry School, ko p. 148, ko par. 3-4 nge fare Machib Ko Gil’ilungun ko March 2013, ko p. 6, ko par. 8.

• Mang fan nib t’uf ni ngan weliy min tamilangnag fan reb e thin nu Bible ni kan beeg ngak be’, ma uw rogon ni ngan rin’ e re n’ey?​—Acts 17:2, 3; mu guy fare babyor ni kenggin e Ministry School, ko p. 154, ko par. 4 nge mada’ ko p. 156, ko par. 5.