Raay e Duw ni Ke Gagiyeg Gil’ilungun Got ma Ka Be Ulul e Gagiyeg ni Be Tay

Piin ni yad baadag ni ngar uned nga tan Gil’ilungun Got e thingar ra filed urngin ban’en u murung’agen e re Am ney nge pi n’en ni ke lebguy. Mang fan? Ya re n’ey e gathi kemus nra gelnag e michan’ rorad ni be gagiyeg Gil’ilungun Got, machane ku ra k’aringrad ni ngar adaged ni ngar weliyed fare thin nib fel’ ni murung’agen Gil’ilungun Got ngak yugu boch e girdi’. (Ps 45:1; 49:3) Nap’an ni ga ra guy fare video ni kenggin e The Kingdom​—100 Years and Counting, mag fal’eg i gay e fulweg ko pi deer ni baaray:

1. Mang fan ni fare “Photo-Drama of Creation” e aram reb e tow’ath ni fan ko piin ni kar yaliyed?

2. Uw rogon ni kan fanay e radio ni ngan machibnag fare thin nib fel’?

3. Mang boch e kanawo’ ni kan machibnag fare thin nib fel’ riy, ma mang angin ni ke yib ko girdi’?

4. Uw rogon ni ke mon’og rogon ni kan skulnag e girdi’ ni nga ranod ko machib ko pi duw ni ke yan?

5. Mang boch ban’en ni kan fil ngak e piin ni kar uned ko fare Gilead Skul nrayog ni ngar fanayed ko pigpig ni yad be tay ni fan ngak Jehovah?

6. Uw rogon ni kan skulnag e girdi’ rok Jehovah u daken e pi convention ni yad ma un ngay?

7. Mang e be micheg ngom ni be gagiyeg Gil’ilungun Got?

8. Uw rogon ni gad be dag ni gad be ayuweg fare maruwel ni yibe rin’ ni fan nga Gil’ilungun Got?