Boch Ban’en Nrayog ni Nga Nog

FARE WULYANG KO DAMIT

Deer: Ga be lemnag ma mang e bin th’abi fel’ e tow’ath ni ke pi’ Got ngodad?

Thin nu Bible: Joh 3:16

Rogon ni Ngan Pi’: Re ke Wulyang ko Damit ney e be tamilangnag fan ni ke pi’ Got Jesus ke yib nga fayleng ni nge yim’ ni fan ngodad nge rogon nrayog ni ngad daged nib ga’ fan e re tow’ath ney u wan’dad.

NGAN FIL E TIN RIYUL’ KO GIRDI’

Deer: Uw rogon nra chuweg Gil’ilungun Got e pi magawon ko re fayleng ney?

Thin nu Bible: Mt 6:10

Tin Riyul’: Ra yibnag Gil’ilungun Got e gapas, nge taareban’, nge pagan’ ngak e girdi’ u roy u fayleng ni bod rogon ni ke lebguy e n’en nib m’agan’ Got ngay u tharmiy.

MANG E GIL’ILUNGUN GOT? (Kan sul ni ngan guy be’)

Deer: [Mu dag fare deer ni bay u tomur ko re tract ney, me gimew weliy.] Ra uw rogon e par ko girdi’ u tan Gil’ilungun Got?

Thin nu Bible: Ps 37:29; Isa 65:21-23

Rogon ni Ngan Pi’: [Mu dag fare babyor ni kenggin e Thin Nib Fel’.] Guruy ni 7 ko re ke babyor ney e be weliy angin e pi n’en ni ke micheg Got ni fan ngodad. [Ngam fanay e re babyor ney ni ngam tababnag e fol Bible ngak be’.]

MU LEMNAG ROGON NI NGAM PI’ REB E BABYOR

Mu fanay fapi kanawo’ ni kan weliy murung’agen ni ngam lemnag rogon ni ngam pi’ reb e babyor.