Mu Kol Ayuw Ya Nge Dab Mu Pag Boch Ban’en ni Nge Waliyem Ngam Denen ara Mu Waliy Yugu Boch e Girdi’ Ngar Denengad

I fanay Jesus e fanathin ni nge fil ko girdi’ nrib gel e kireb riy ni faanra waliyem be’ ni ngam pi’ keruum ngak Got, fa reb e gur e ngam waliy be’ ni nge pi’ keru’ ngak Got.

18:6, 7

• Ra ngan “waliy” be’ ma aram e be yip’ fan ni yibe rin’ boch ban’en ara be buch boch ban’en rok nrayog ni nge k’aring ni nge ngongliy ban’en nde puluw, ara nge un nga boch e ngongol nde mat’aw, ara nge denen

• Reb e girdi’ ni ma waliy be’ ni nge pi’ keru’ ngak Got e kab fel’ ni ngan the’ gafan e malang nib ga’ nga belel’ugun mi non’ nga maday

18:8, 9

• Be fonownag Jesus pi gachalpen ni ngar th’abed pa’rad ngar n’aged ara ngar l’ufed owcherad ni faanra ireray e n’en ni be waliyrad ni ngar pied keru’rad ngak Got ni yugu aram rogon ni aram ban’en nib mo’maw’ ngorad ni ngar rin’ed

• Kab fel’ ni ngam pag fan boch ban’en nrib t’uf rom ya nge yag ni ngam par u tan Gil’ilungun Got ko bin ni ngam chichiiy paam ko pi n’ey mag yan nga Gehenna ni be yip’ fan e mathmit

Mang boch ban’en ni bay u lan e yafos rog nrayog ni nge waliyeg ni nggu pi’ keruug ngak Got? Ma uw rogon nrayog ni nggu siyeg e pi n’en nra waliyeg ni nggu denen ara reb e ra waliy yugu boch e girdi’ ni ngar denengad?