“Mfal’eged Rogomed Ngam Pired”

25:1-12

Yugu aram rogon ni weliy Jesus fare fanathin u murung’agen fa ragag i rugod ni fan ngak pi gachalpen ni kan dugliyrad, machane n’en ni bay riy e kub l’ag rogon ngak urngin e Kristiano. (w15 3/1 13-17) Ya be gaar e Bible: “Mfal’eged rogomed ngam pired, ya da mu nanged e re rran fa re awa.” (Mt 25:13) Ere rayog ni ngam weliy fan e re fanathin rok Jesus ney, fa?

• Fare moon ni nge mabgol (vs. 1)​—Jesus

• Fa lal i rugod ni yad ba gonop ni kar fal’eged rogorad (vs. 2)​—Pi Kristiano ni kan dugliyrad ni kar fal’eged rogorad ma yad be tiyan’ ko maruwel nib milfan ngorad ma be gal ramaerad e chiney i yan ko tomur (Fil 2:15)

• Be’ ni be tolul ni be gaar: “Ke yib fare moon ni ir e nge mabgol!” (vs. 6)​—Aram e pow ni bay Jesus ni be gagiyeg

• Fa lal i rugod ni yad ba balyang (vs. 8)​—Piin Kristiano ni ka ranod ni ngar mada’naged fare Moon ni Nge Un ko Mabgol, machane darur pared ni yad ba od ko tirok Got ban’en ma dakur yul’yul’gad

• Fapi rugod ni yad ba gonop e ra siyeged ni ngar pied boch e gapgep rorad ko fapi ppin ni yad ba balyang (vs. 9)​—Tomuren ni kan tay e bin tomur e pow ko pi Kristiano ni kan dugliyrad ni yad ba yul’yul’, ma aram e dabkiyog ni ngar ayuweged e piin ni kan dugliyrad ndar pared ni yad ba yul’yul’

• “Me taw fare moon ni ir e nge mabgol” (vs. 10)​—Ke yib Jesus ni nge pufthinnag e girdi’ u nap’an ni ke chugur nga tungun fare gafgow nib ga’

• Fapi rugod nra fal’eged rogorad ngar pired e ra uned ngak fare moon nga ranod nga lan fare naun ni ngan ngongliy e madnom ko mabgol riy, min ning e mab (vs. 10)​—Be kunuy Jesus e piin ni kan dugliyrad nra pared ni yad ba yul’yul’ ni ngar uned ngak nga tharmiy, machane piin ndar pared ni yad ba yul’yul’ e ke mul e re tow’ath ney u pa’rad