Dab Mpaged Talin e Ppin rok Lot

Mang fan ni sap e ppin rok Lot nga tomur u nap’an ni yad be mil chon e tabinaw rok ni ngar chuwgad u Sodom? Der tamilangnag e Bible fan. (Ge 19:17, 26) Fare ginang ni pi’ Jesus u lan e tin nib m’on e verse ni be weliy murung’agen e ppin rok Lot e be tamilangnag nsana rayog ni ka be lemnag e chugum rok ni ke digey u Sodom. (Lu 17:31, 32) Uw rogon ni ngad siyeged ndab da boded e ppin rok Lot ni aram e dab kud fel’gad u wan’ Got? Thingar dab da nameg ni nge yoor e chugum rodad mad paged ni nge m’on u lan e yafos rodad. (Mt 6:33) Ke fil Jesus ngodad ndabiyog ni ngad ‘manged tapigpig rok Got ma kud manged tapigpig rok e salpiy.’ (Mt 6:24) Machane mang e ngad rin’ed ni faanra kad nanged ni ke tabab ni nge magawonnagdad chogowen e chugum ni aram e be mo’maw’nag ngodad ni ngad m’oneged e tirok Got ban’en u wan’dad? Rayog ni ngad meybilgad ngak Jehovah ni nge pi’ e tamilangan’ ngodad ya ngad guyed ko mang e ba t’uf ni ngad thilyeged u rarogodad me pi’ gelngidad ni nge dab da rusgad ni ngad thilyeged e pi n’em.

NGAD SULOD NGAD LEMNAGED FARE VIDEO NI DALIP E GURUY RIY NI KENGGIN E REMEMBER THE WIFE OF LOT, NGEMU’ MIN WELIY E FULWEG KO PI DEER NI BAARAY:

• Bochan ni baadag Gloria ni nge yoor e salpiy rok, ma uw rogon ni ke k’aring e re n’ey ni nge thilyeg rogon ni ma lemnag boch ban’en nge rogon e thin nge ngongol rok?

• Bochan e n’en ni ke buch rok e ppin ku Lot, ma mang e be ginangdad riy e ngiyal’ ney?

• Bochan ni fol Joe nge chon e tabinaw rok ko pi kenggin e motochiyel u Bible, ma uw rogon ni yib angin ngorad?

• Uw rogon ni ke magawon Anna ko tirok Got ban’en ni bochan e piin ni yad ma chag u taban e maruwel?

• Mang fan nib t’uf ndab da rusgad ni faanra towasariydad boch e girdi’ ni ngad m’oneged e salpiy u lan e yafos rodad?

• Uw rogon ni ke sul Brian nge Gloria bayay ni ngar m’onegew e tirok Got ban’en u lan e yafos rorow?

• Mang boch e kenggin e motochiyel u Bible ni kam guy ni kan dag ko re video ney?