Mu Fil Ban’en ko fare Fanathin ni Murung’agen Fapi Salpiy ni Gol

19:12-24

Mang e be yip’ fan e pi n’en ni weliy Jesus ko fare fanathin rok?

1. Fare masta e be yip’ fan Jesus

2. Fapi tapigpig e be yip’ fan pi gachalpen Jesus ni kan dugliyrad

3. Fapi salpiy ni pi’ fare masta ngak fapi tapigpig rok e be yip’ fan e tow’ath ni ngan yognag boch pi gachalpen Jesus

Re fanathin ney e bay e ginang riy u murung’agen e n’en nrayog ni nge buch rok reb i gachalpen Kristus ni faanra nge m’ug rarogon fare tapigpig nib kireb rok. N’en nib m’agan’ Jesus ngay e nge fanay pi gachalpen e tayim rorad, nge gelngirad, nge pi n’en ni bay rorad ni ngar yognaged boch pi gachalpen.

Uw rogon nrayog ni nggu folwok rok e piin Kristiano ni kan dugliyrad ni yad ba yul’yul’ u rogon ni yad ma rin’ fare maruwel ni ngan yognag pi gachalpen Jesus?