Ngad Ayuweged e Girdi’ rok Got

8:1-4; 9:7

Gadad e piin Kristiano e l’agruw ban’en ni ngad rin’ed ni fan ko pigpig rodad ngak Got. Bin som’on e aram e “ngad guyed rogon e tin ni ka ba’ e girdi’ ngkur manged pi tafager rok” Got. Ireray e n’en ni gad ma rin’ u daken e machib ni gad ma tay ni gad be fil e Bible ngak e girdi’. Ma bin l’agruw e ngad pied e ‘ayuw’ ngak e pi walagdad. (2Ko 5:18-20; 8:4) Ere bang ko tin ni gad ma rin’ ni fan ko pigpig rodad ngak Got e ngad ayuweged e piin ni ke t’uf e ayuw rorad. Ya faan gad ra rin’ e re n’ey, ma aram e gad be

• pi’ e tin nib t’uf rok e pi walagdad.​—2Ko 9:12a

• ayuweg e piin ni kar gafgowgad ni nge yag nra sulod bayay ko tin ni yad ma rin’ ni fan ko pigpig rorad ngak Jehovah, ni aram e ba muun ngay ni ngar rin’ed fare maruwel ni machib u fithik’ e pasig ni yad be pining e magar ngak Jehovah.​—2Ko 9:12b

• pining e sorok ngak Jehovah. (2Ko 9:13) Gad ra ayuweg e girdi’ rok Got ma aram e gad be dag rarogon e tin riyul’ e Kristiano ngak gubin e girdi’ nib muun ngay e piin nde puluw e n’en ni yad ma lemnag u murung’agen e Pi Mich Rok Jehovah