“Nge Bigimed mi i Pi’ e Athamgil Nga Laniyan’ Bigimed, me Bigimed mi i Ayuweg Bigimed”

5:11-14

Gubin e Kristiano e rayog ni nge pi’ e athamgil nga laniyan’ yugu boch e girdi’. Bod ni, gad ma pi’ e athamgil nga laniyan’ e pi walag u nap’an ni gad ra un ko muulung nge machib ni gubin ngiyal’, ni yugu aram rogon nib “gel e athamgil” ni gad ma tay ni ngad rin’ed e pi n’ey ni bochan e m’ar ara yugu boch e magawon. (1Th 2:2, NW ftn.) Maku reb e, faan gad ra fal’eg i lemnag ma gad fal’eg i gay murung’agen boch ban’en u m’on riy, ma ra mom rogon ni ngad pied e athamgil nga laniyan’ e pi walag nib t’uf ni ngan pi’ e athamgil nga lanin’rad.

Faanra ga be guy rogon ni ngam pi’ e athamgil nga laniyan’ be’ ni bochan reb e magawon ni be mada’nag, ma uw e gin nrayog ni ngam pirieg boch ban’en riy nrayog ni ngam fanay ni ngam ayuweg?

Mini’ u lan e ulung e ga baadag ni ngam pi’ e athamgil nga laniyan’?