Mu Pag Yugu Boch e Girdi’ ni Ngar Towasariyed Gur Ngam Fol Rorad

23:1-3

Fare ginang ni pi’ Jehovah ngak e piin ngar micheged ban’en ni ke buch nge pi tapuf oloboch ni aram e dab ra paged e girdi’ ni nge k’aringrad ni ngar bangad ara ngar dugliyed ban’en ni be m’ug riy ni yad be laniyan’ e kub l’ag rogon nga boch ban’en ni gad ma rin’ u lan e yafos rodad. Girdi’ ko re fayleng ney e ba ga’ ni yad ma towasariy e piin Kristiano ni ngar lemgad mar ngongolgad ni bod rogon e piin ndarur ted fan Jehovah.​—Ro 12:2.

Mang fan nde fel’ ni ngam pag yugu boch e girdi’ ni ngar towasariyed gur ni ngam fol rorad u

• nap’an ni ga ra rung’ag ban’en nde riyul’ ni yibe weliy murung’agen i yan?

• nap’an ni ga be mel’eg e re miti mad ni ngam chuw ngay, ara rogon ni ngam fal’eg piyan lolugem, ara n’en ni ngam mel’eg ni ngam chuweg e chalban rom ngay?

• rogon ni ga ma lemnag e girdi’ nib thil e nam rorad, ara yalen rorad, ara yad ba gafgow ara ba fel’ rogorad, nge rogon e ngongol rom ngorad?