PI N’EN NI MA RIN’ E PIIN KRISTIANO
Mu Kol Ayuw Ya Rayog ni Ngam Garereg Ban’en Nde Riyul’
Ngiyal’ ney e rib mom ni ngan garereg murung’agen ban’en ngak bokum milyon e girdi’ u daken e babyor ni kan yoloy, nge radio, nge TV, nge Internet. Ere piin ni yad ma liyor ngak fare Got ko tin riyul’ ni ir be’ ‘nib yul’yul’’ e dubrad ni ngar garereged ban’en nde riyul’, ni kub muun ngay ni ngar rin’ed ni gathi lem rorad. (Ps 31:5; Ex 23:1) Thin nde riyul’ ni yibe garereg e rayog ni nge gafgownag e girdi’. Ere nap’an ni ga be lemnag ko ba riyul’ ban’en ni kam rung’ag fa danga’, mab fel’ ni ngam fithem ni nge lungum:
‘Gur, rayog ni nge pagan’uy ko gin ni ke yib e re thin ney riy, fa?’ Rayog ni en ni be weliy fare thin e de nang gubin ban’en u murung’agen e re n’em. Faanra dam nang e gin ni ke yib e re thin nem riy, ma susun e ngam kol ayuw ya rayog ni nge thil murung’agen ban’en u nap’an ni yibe weliy i yan. Bochan ni piin ni bay e maruwel nib milfan ngorad u lan e ulung e ri ma pagan’ e girdi’ ngorad, ma aram fan nthingar ra kol ayuwgad ndab ra uned i garereg boch e thin ndar nanged ko ba riyul’ fa danga’
‘Gur, re thin ney ni yibe yog e rayog ni nge kirebnag thin be’, fa danga’?’ Faanra fare thin e ra kirebnag thin be’ ara ba ulung e girdi’, mab fel’ ndab da weliyed ngak yugu boch e girdi’.—Pr 18:8; Fil 4:8
‘Rayog ni nge mich u wan’uy fare thin ni ka nog, fa danga’?’ Thingar mu kol ayuw u nap’an ni kam rung’ag murung’agen ban’en ara be’ nrib manigil rogon ni kan weliy
NGAN YALIY FARE VIDEO NI KENGGIN E HOW CAN I STOP THE GOSSIP?, NGEMU’ MIN WELIY E FULWEG KO PI DEER NI BAARAY:
Mang e rayog ni nge buch ko girdi’ ni bochan e thin ni gad ma yog nrogon ni bay ko Proverbs 12:18?
Uw rogon nra ayuwegdad fare thin ko Filippi 2:4 ni ngad nanged ko ba fel’ ni ngad weliyed ban’en u murung’agen yugu boch e girdi’, fa danga’?
Mang e thingar da rin’ed ni faanra kan weliy ban’en ni yibe moningnag be’ ara ka nog ban’en u murung’agen nib kireb?
U m’on ni ngad weliy murung’agen yugu boch e girdi’, ma mang deer e susun ni ngad fithed gadad riy?