N’en Nth’abi Ga’ Fan ni Bay u Lan fare Tabernacle

25:9, 21, 22

Fare Kahol ko M’ag e aram e n’en nth’abi ga’ fan ni bay u lan fare tabernacle nge gin ni be par piyu Israel riy. Bay ba manileng nib k’iy nga lang ni bay u thilin fa gal kerubim ni yow bay u daken upungen fare Kahol ko M’ag. Re gi manileng nem e aram e pow riy ni bay Got rok piyu Israel. Nap’an nra taw ko Rofen ni Biyul, ma ma yan fare prist nth’abi tolang nga lan fa Gin Nth’abi Thothup ko fare tabernacle ni nge wereg rachaen e garbaw ni pumoon nge rachaen e kaming nga m’on ko fare Kahol ko M’ag ya nge yag ni biyuliy e denen rok piyu Israel. (Le 16:14, 15) Re n’ey e be dag yaan Jesus ni ir fa bin Th’abi Tolang e Prist u nap’an ni yan nga p’eowchen Jehovah u tharmiy ni nge ognag fel’ngin fare biyul ni pi’.​—Heb 9:24-26.

Mu puluwnag e pi thin nu Bible ni baaray nga angin fare biyul nra yib ngodad:

THIN NU BIBLE

• 1Jo 1:8, 9

• Heb 9:13, 14

• Ro 6:23

ANGIN NRA YIB

• athap ko yafos ni manemus

• rayog ni ngan n’ag fan e denen rodad

• rayog ni nge beech e nangan’ rodad

Mang e thingar da rin’ed ya nge yag ni yib angin e pi n’ey ngodad?