Special Campaign ko September ni Ngan Tabab i Fil e Bible ko Girdi’

Nap’an e pul ni September, ma gad ra athamgil u rogon nrayog rodad ni ngad ognaged e fol Bible ngak e girdi’ u gubin e tabinaw ni gad be fanay fare brochure ni Mu Par Ndariy N’umngin Nap’an ni Gab Felfelan’! Rayog ni nge mel’eg e pi walag ni ngar uned ko pioneer ni ayuw ni ngar thognaged 30 e awa. Uw rogon ni gad ra tay e re special campaign ney?

• Yay Nsom’on ni Kan Mada’nag Be’: Mu fanay e thin ni bay u keru’ e re brochure ney ni ngam ayuweg facha’ ni nge adag ni nge motoyil, mag guy rogon ni ngam tabab i fil e Bible ngak. Dab mu pagtalin e piin ur motoyilgad kafram nib muun ngay e piin um sul ngaum guyrad. Mus ni faanra de m’agan’rad ngay ni ngar uned ko fol Bible kafram, ma sana yad ra adag e biney e kanawo’ nib beech ni gad be fil e Bible riy ko girdi’ e chiney nge ken ney e brochure. Dab ni tay e re brochure ney ko tabinaw ndariy be’ riy, ara ni mailnag ko piin ndubrad e machib kafram. Rayog ni nge yarmiy e Congregation Service Committee yugu boch e muulung ni ngan tay ni fan ko machib u lan e re pul nem.

• Yugu Boch e Kanawo’: Faanra ma fanay e ulung rom e pi cart ni yima tay e babyor rodad ngay, ma rayog ni ngan tay fare brochure ngay ni Mu Par Ndariy N’umngin Nap’an ni Gab Felfelan’! Nga nog ngak e piin yad baadag ni nge yag ba ken e re brochure nem ngorad nnap’an ni yad ra fek ba ken e re babyor nem, maku rayog ni ngan fil e Bible ngorad ndariy puluwon. Ngan dag rogon ni yima tay e re fol Bible ney ni ka ngiyal’ nem ndabi n’uw nap’an, ara ni yarmiy ba ngiyal’ nga tomuren ni ngan rin’ riy. Rayog ni nge mel’eg e en ir e service overseer boch e tamachib ni nga ranod nga tabon yurba’ e maruwel ko gin yima machib riy ngar ognaged e fol Bible ko girdi’. Rayog ni ngkum ognag e fol Bible ngak e piin gimed nga maruwel ara piin ga be mada’nagrad u nap’an ni ga be machib u fithik’ e sabethin.

I tay Jesus chilen ngodad ni ngad pingeged e girdi’ ‘ngar manged pi gachalpen’ ma gad “fil” ban’en ngorad. (Mt 28:19, 20) Ere manga yigi ayuwegdad e re special campaign ney ni ngad rin’ed e re n’ey ni gad be fanay fare babyor ni Mu Par Ndariy N’umngin Nap’an ni Gab Felfelan’!