Mu Gay e Fonow Nra Ayuwegem u Reb e Rran Ngu Reb ko JW.ORG

Ma ayuwegdad e Thin rok Got u gubin ban’en nib t’uf rodad ya nge yag nda athamgilgad u fithik’ e pi magawon e ngiyal’ ney ko tin tomuren e rran ni ke mo’maw’ e par. (2Ti 3:1, 16, 17) Yugu aram rogon ma bay yu ngiyal’ nrayog nib t’uf ni ngan ayuwegdad ni ngad pirieged boch i kenggin e motochiyel u Bible ni bay rogon nga reb e magawon ni gad be mada’nag. Gur reb e gallabthir ni ga be gay e fonow ni nge ayuwegem u rogon ni ngam chuguliy pi fakam, fa? Gur reb e fel’ yangaren ni ga be mada’nag boch ban’en ni be skengnag e michan’ rom, fa? Gur be’ ni be kireban’um ni bochan e ke yim’ e en mabgol rom, fa? Ga ra pirieg boch ban’en ko jw.org nra ayuwegem ni ngam pirieg boch i kenggin e motochiyel u Bible nra ayuwegem ko pi magawon ney nge yugu boch e magawon ni ga ma mada’nag.​—Pr 2:3-6.

Mmel’eg e BIBLE TEACHINGS ni bay ko home page ko jw.org. (Mu guy e bin 1 e sasing.) Nap’an nra m’ug e n’en bay riy, mag mel’eg e bin ga baadag. Ara mmel’eg e LIBRARY > ARTICLE SERIES mag mel’eg e n’en ni bay riy ni ga baadag. (Mu guy e bin 2 e sasing.) Ku aray e pi n’en ni bay ko JW Library^®.a Sana ga ra adag ni kemus ni ngam yaliy e pi article ni bay ko yungi n’ey. Fa reb e rayog ni ngam fanay fa gin yima gay murung’agen ban’en riy ni bay ko jw.org.

Mu typenag e pi thin ni baaray ko gin yima gay murung’agen ban’en riy, mag yoloy nga but’ e pi article ni keb i m’ug ni ga baadag ni ngam beeg.

• Chugol bitir

• Towasar

• Yam’ en mabgol