TIN MA RIN’ E PIIN KRISTIANO

Mu Ayuweg e Piin Ndarur Uned Nga Barba’ e Teliw ni Ngar Nanged e En ni Sunmiyrad

Bay yu ngiyal’ ndamur machibnag e piin ndarur uned nga barba’ e teliw ni bochan e ga be lemnag ndab ra motoyilgad, fa? Faanra bay, ma dab mu pagtalin ni boor e pi girdi’ ney ni kub muun e piin yad ma lemnag ndariy e Got ni kar manged boch e Pi Mich Rok Jehovah. Ba ga’ ni n’en nib t’uf rorad e ngan ayuwegrad ni ngar guyed e mich riy nriyul’ ni bay Got.—Ro 1:20; 10:14.

NGAN YALIY FARE VIDEO NI REMEMBER—FAITHLESS PEOPLE CAN ACQUIRE FAITH!—NONRELIGIOUS PEOPLE, NGEMU’ MIN PI’ E FULWEG KO RE DEER NEY:

Uw rogon ni be ayuwegem e n’en ni buch rok Tommaso ni ngam adag ni ngam machibnag e piin ndarur uned nga barba’ e teliw?

Fulweg rom

Rogon ni ngan rin’

Faanra yog be’ nde mich Got u wan’, mag non ngak u fithik’ e sumunguy, nge gonop, mag guy rogon ni ngam nang rogon laniyan’ ko re n’ey. (2Ti 2:24) Mu weliy boch ban’en nsana ra adag ni nge motoyil ngay. Gur, ra m’agan’ ngay ni ngan weliy boch ban’en ni ke k’aring boor e girdi’ ni nge mich u wan’rad ni bay Be’ ni Ke Sunmiy urngin ban’en, fa? Faanra ba m’agan’ ngay mag fanay e pi babyor nge video ni kan ngongliy ni fan ko re n’ey. Kan tay fa gal brochure ni Was Life Created? nge The Origin of Life—Five Questions Worth Asking nga lan fare Tafen Talin e Maruwel ni Yima Fil Ban’en Riy ko Girdi’ ya nge mom ni ngan pirieg.

Som’on e sana ga ra magagawon ni ngam weliy e tin riyul’ ngak be’ nde mich Got u wan’. Ere mang ndab mu ning e ayuw ngak reb e walag nib salap i machibnag e girdi’ ni aray rogon? Ku dab mu pagtalin nrayog ni nge ayuwegdad Jehovah ni ngad ayuweged e piin nib munguy lanin’rad ni nge taw e tin riyul’ nga gum’ircha’rad ni yugu aram rogon nde mich Got u wan’rad ko som’on.—Ac 13:48.