Yul’yul’ nge Rogon e Lem Rodad

Gathi kemus ni yigoo thin ni gad ma yog e ma m’ug riy ni gad ba yul’yul’ ya ku ma m’ug u daken e pi n’en gad ma lemnag. (Ps 19:14) Aram fan ni be pi’ e Bible e athamgil nga lanin’dad ni ngaud lemnaged e pi n’en nib riyul’, nge n’en nib yal’uw, mab mat’aw, mab machalbog, mab manigil, ma dariy thibngin. (Fil 4:8) Bin riyul’ riy e gathi gubin ngiyal’ nrayog ni nge dab ud lemnaged boch ban’en nde puluw. Machane t’ar laniyan’ e rayog ni nge ayuwegdad ni ngad chuweged e lem nde puluw u lanin’dad ma gad lemnag e tin nib fel’. Faan gad ra par ni gad ba yul’yul’ u rogon e lem ni gad ma tay, ma aram e ku ra ayuwegdad ni ngaud yul’yul’gad ko ngongol rodad.​—Mr 7:​21-23.

Mu yoloy e re miti lem nsusun e ngad siyeged nga tan reb nge reb e pi thin nu Bible ni baaray:

Ro 12:3

Lu 12:15

Mt 5:28

Fil 3:13