Mu Fil Ban’en ko Pi Sasing

Boor e sasing u lan e pi babyor rodad nrayog ni ngad filed boch ban’en riy nib ga’ fan. Uw rogon nrayog ni nge yib angin e pi sasing ney ngom?

• Mu yaliy e sasing ni bay u lan reb e article u m’on ni ngam beeg. Rayog ni nge k’aringem ni ngam lemnag e n’en bay ko fare article mu kum adag ni ngam beeg. Bod e ggan nib fel’ lamen ni kan tay nga lan e plet nnap’an ni ga ra guy ma ga baadag ni ngam kay. Ere mu fithem ni nge lungum, ‘Mang e gu be guy?’​—Amos 7:​7, 8.

• Nap’an ni ga be beeg fare article, mag lemnag fan ni kan tay e pi sasing ngay. Mu beeg e thin ni bay u tan fapi sasing ara murung’agen e pi sasing nem ni faanra bay. Mu lemnag rogon nib peth ko n’en yibe weliy murung’agen nge angin nra yib ngom.

• Tomuren ni kam beeg fare article, mag sul ngam yaliy e pi sasing riy ya nge yag nim nang e pi n’en nib ga’ fan ni be weliy fare article murung’agen. Mu guy rogon ni nge yib ngan’um e pi sasing ni bay ko fare article nge n’en ga be fil u reb nge reb e pi sasing nem.

• Mang ndab mu sul u daken e pi sasing ni bay ko re ke babyor ney mag guy ko ra yib ngan’um e n’en kam fil riy fa danga’?