Yugu Boch e Thin

c Be lemnag e piin boor ban’en u murung’agen e Bible ni yad manang ni pi pumoon ney e kar micheged e n’en ma micheg reb e Nazirite. (Num. 6:1-21) Riyul’ ni ke mus fare Motochiyel rok Moses, ma re n’ey ni yima micheg e ban’en ni yima rin’ nrogon nib puluw ko re motochiyel nem. Yugu aram rogon, ma rayog ni lemnag Paul nde kireb ni nge rin’ e pi pumoon nem ban’en ni kar micheged ngak Jehovah. Ere de kireb ni nge pi’ e salpiy ni pa’rad me un ngorad. Dad nanged e n’en nri micheg e pi pumoon nem, machane demtrug rogon ma dabisiy ndabi m’agan’ Paul ngay ni ngan ognag reb e gamanman ni maligach (ni bod e n’en ma rin’ e pi Nazirite) ni bochan e be lemnag ni aram e n’en nra beechnag e pi pumoon nem ko denen rorad. Tomuren ni ognag Jesus downgin nib flont ni maligach, ma aram e daki t’uf ni ngan ognag e gamanman ni maligach ni nge upunguy e denen. Ere demtrug e n’en ni rin’ Paul, ma rayog ni nge pagan’dad ngay nde m’agan’ ngay ni nge rin’ ban’en nra magawonnag e nangan’ rok.