Yugu Boch e Thin

f Kub t’uf ni ngad siyeged boch e ulung ni kan ngongliy ni fan ko piin fel’ yangaren, ara yu yang i ban’en ni ma yan e fel’ yangaren ngay ni ngar rin’ed boch ban’en u taabang ni ngan felfelan’ ngay ni bay rogon ko teliw ni googsur. L’agruw ko pi ulung ney e ka nog e YMCA (Young Men’s Christian Association) nge YWCA (Young Women’s Christian Association) ngay. Yugu aram rogon nsana be yog girdien e re ulung ney ni YMCA/YWCA ni pi’ n’en ni yad ma rin’ e dariy rogon ko teliw, machane bin riyul’ riy e ireray boch e ulung ni yad be garereg boch e machib ko pi yurba’ i teliw nge pi n’en ni yad be nameg.