Yugu Boch e Thin

a Boor e girdi’ ndar nanged ni fare thin u John 7:53–8:11 ni bay u yu ken e Bible e da immoy ko yu ken nsom’on e babyor ko Bible nni yoloy. Ere, bay boch e girdi’ nnap’an ni kar beeged e re thin ney ma kar lemnaged ni kemus ni yigoo en ndariy e denen rok e rayog ni nge dugliy nib kireb e rok be’ ni kar parew be’ ni gathi mabgol rok. Machane, be gaar fare motochiyel ni pi’ Got ngak piyu Israel: “Faan yira pirieg be’ nib moon ni yow be par leengin yugu reb e pumoon, ma yow l’agruw ni yira thang e pogofan rorow.”​—Deut. 22:22, BT.