Ngu u Darod Got u Taabang

1. Ngu u darod Jehovah Got

U taabang ni gubin ngiyal’.

Ri ma sumnguy ngak e p’in yad

Ma athamgil ni ngar folgad rok!

Ke pi’ Got boch ban’en ngodad

Nrayog ni nge aywegdad.

Kad ognaged gadad ngak Got;

Ma gad be par nib mudugil.

2. Chiney ni yibe pufthinnag

E girdi’ ma ke chgur e tomur

E gad ma mda’nag e tgopluw

Nrayog ni nge meewarnagdad.

Machane ra aywegdad Got;

Ere ngad chugurgad ngak

Ya nge yag nda pigpiggad ngak.

Mgad t’ufeg u fthik’ e yul’yul’.

3. Ma aywegdad Got u daken

E Thin rok nge gelngin nib thothup

Nge ulung ni Kristiano,

Ma ma mtoyil ko meybil rodad.

Ra u darod Got u ta’bang,

Mgad ra rin’ e tin nib fel’,

Ma ra ud golgad ko girdi’

Ma gad mat’aw u p’eowchen.