Guruy ni 16

Kam Turguy ni Ngam Pigpig ku Got

Mang e thingar mu rin’ ma ga mang fager rok Got? (1, 2)

Uw rogon ni ga ra ognagem ngak Got? (1)

Wuin e susun ni ngam un ko taufe? (2)

Uw rogon me yog ni mu par ni gab gel ma gab yul’yul’ ku Got? (3)

1. Ra ngan tafager ngak Got ma thingari yog ngom e tamilangan’ nib fel’ ko tin riyul’ nu Bible (1 Timothy 2:3, 4), ngari michan’um ko pi n’en ni kam fil (Hebrews 11:6), mag kalngan’um ko denen rom (Acts 17:30, 31), mag thiliyeg kanawoen e yafas rom. (Acts 3:19) Ra aram rogon fene t’uf Got rom ma ra k’aringem ngam ognagem ngak. N’en be yip’ fan e re n’ey e nga um meybil ni goo gur rom u bayang ni ga be yog ngak ni ngam piem ngak ni ngam mu rin’ e tin nib m’agan’ ngay.—Matthew 16:24; 22:37.

2. Tomren ni kam ognagem ku Got, ma susun ngam un ko taufe. (Matthew 28:19, 20) Taufe ngam dag ko yoor ngan nang ni kam mu’ i ognagem ku Jehovah. Ar fan ni taufe ke mus ni fen e piin kar ilalgad ke yog nra turguyed ni ngar pigpiggad ku Got. Nap’an e ra ngan taufenag be’ ma downgin ni polo’ e ngan lithag nga ar nge par u fithik’ e ran boch uw min foreg nga lang.a—Mark 1:9, 10; Acts 8:36.

3. Tomren ni kam ognagem me Jehovah ba adag ni nga um par ni bod rogon ni kam micheg. (Psalm 50:14; Eklesiastes 5:4, 5) Ra guy Moonyan’ rogon ni nge talegem ko pigpig ku Jehovah. (1 Peter 5:8) Machane mu chuchugur ngak Got u fithik’ e meybil. (Filippi 4:6, 7) Um fil e Thin Rok u reb e rran nge reb. (Psalm 1:1-3) Mu chag ko girdien e ulung. (Hebrews 13:17) Ra um rin’ urngin e pi n’ey ma ra gel gelngim ni ngam par ni gab yul’yul’ ku Got. Ma rayog ni mu par ni manemus ni ga be rin’ e tin nib t’uf ku Got ni ngam rin’!

[Footnote]