Tang 82 (183)

Yaram Rok Got ko Piin ni Fel’ Yangaren

(Psalm 148:​12, 13)

1. Ra be’ ma bay tagil’ ko fare ulung rok Got.

Ma pining e piin bitir nge pillibthir.

Ma boor e piin fel’ yangaren ni kar bad

Ngar wereged fare thin nib fel’ ko girdi’.

Ri ba gel angin e machib ni yad be tay!

Manigil yaarad nge ngongol rorad!

Ri ba t’uf Got rorad ya yad ma pigpig ngak;

Ku yad ma felan’nag e piin nib ilal.

2. Pi fel’ yangaren ni kar nanged Jehovah,

Ri ba gel e falfalan’ ni yad ra tay!

Ngan lemnag e n’en ni bay nga m’on rorad ni

​—⁠Par u Paradis ni dabi m’ay biid!

Machane chiney e gad bay ko magawon

Ko re m’ag nib kireb ney ni bayi chuw.

Ngad chamgad nib mus rogon ngada gelgad ngay;

Thingar da pired ni gad byul’yul’ ku Got.

3. Pi fager rodad e girdi’ rok Jehovah.

Ere mang fan ni ngan fager ko fayleng?

Nge un e bitir ko tin ni ra ubungrad,

Ni bay ko Thin rok Got u lan e Bible.

Piin ni yad ba t’uf rorad e ra ayuwegrad,

Ko tin ni be magawonnag lanin’rad.

Ma Jehovah bin th’abi ga’ Fager rorad;

Yad ra guy ni ir e bgol mab wurengan’.

4. Gad bang ko ulung ko piin ni Kristiano,

Ma pi Kristus e tin ni ba t’uf rodad.

Ere ngada pired rok ni gad byul’yul’ ngak;

Ngad folgad ko fonow ni ma pi’ ngodad.

Dabda paged re fayleng ney nge suweydad;

Thin Rok Got e ra biechnag lanin’dad.

Ngad pired u taabang ni gad byul’yul’ ngak,

Ma rayog ni ngad pired ni manemus.