Mini’ e Bin Riyul’ e Got?

Kari mus ni taareb e Got nib riyul’, ni fithingan e Jehovah. Be gaar e Bible: “Manga yugur nanged ni kemus ni gur [“Jehovah,” NW] ni gur fare tagagiyeg nib th’abi tolang u polo’ e fayleng.” (Psalm 83:18, BT) Dabiyog ni ngad guyed Got, ya ir e Kan. Gad ba t’uf rok ma baadag ni ngkud t’ufeged. Ku baadag ni nge t’uf e girdi’ rodad. (Matthew 22:35-40) Ir e Th’abi Tolang, ma ir e Sunmiy urngin ban’en.

N’en th’abi som’on ni sunmiy Got e ku reb e kan, ni yib i mang Jesus Kristus. Ki sunmiy Jehovah boch e engel.

Jehovah e ir e sunmiy urngin ban’en ni bay u tharmiy . . . ngu fayleng. Revelation 4:11

Jehovah Got e ir e sunmiy e pi t’uf, nge fayleng, nge urngin ban’en ni bay riy.​—Genesis 1:1.

I sunmiy e bin som’on e pumoon ko but’ ni aram Adam.​—Genesis 2:7.