“Mu dag be’ ngog ni ma rin’ e maruwel nib fel’, mu gu dag be’ ngom ni kab fel’ boch ko tin yoor e girdi’, ma ra bung ni nge un ko sabal ko pilung.”

Proverbs 22:29, BT

“Cha’ ni be moro’ro’ e nge tal ko moro’ro’ nge tabab ko maruwel nge thognag e salpiy ni fan ko par rok, nge yog ni ayuweg e piin ni gafgow.”

Efesus 4:28

“Gadad gubin ndabi siy ni ngad abichgad ma gadad garbod nge felan’dad ko tin ni kad muruwliyed; ya pi n’ey ni gubin e tow’ath rok Got ngodad.”

Eklesiastes 3:13

“Yira nemownigey ko tin fafalel’, nge wain, nge tin th’abi fel’ e ggan, ma dab ni flaab riy.”

Proverbs 21:17, BT

“Ga ra man salpiy ni malfith ma ga ra mang sib ko en ni kam malfith ngak.”

Proverbs 22:7, BT

“Faanra ba’ bigimed ni be finey ni nge ngongliy ba wulyang ntafen e damit, ma som’on e ra par nga but’ nge tafinaynag rogon puluwon, nge guy ko ba gaman e salpiy rok nra mu’nag fare maruwel ngay fa danga’. Ma faanra dabi rin’ ni aram rogon, ma dabiyog rok ni nge mu’nag fare wulyang ni tafen e damit ko ngiyal’ ni ke mu’ i ngongliy e def ko wulyang riy; ma urngin e girdi’ ni yad ra guy ko n’en ni ke rin’ e ra ur minmingad ngak. Ya ra lungurad, ‘Re moon ney e tabab ko maruwel machane de yog ni nge mu’nag!’”

Luke 14:28-30

“Ma nap’an ni kar fosgad ni yad gubin, me gaar ngak pi gachalpen, ‘Mu kunuyed e yu yang ni ke aw ko ggan; nge siy da adbeyed buchuuw.’”

John 6:12

“Kab fel’ ni nguum ked e girdi’ nib t’uf rom e ggan ni goo ggan u taabang, ko bin nguum koy e tin th’abi fel’ e ufin ko gin bay e fanenikan riy.”

Proverbs 15:17, BT

“I Gag Somol ni Got romed, fa en baadag ni nge fil ngomed e tin nib fel’ me pow’iymed ko fare kanawo’ ni ngam marod riy.”

Isaiah 48:17, BT

“Nge felan’ e piin ni kar pirieged u lanin’rad ni kar gafgowgad ndabi siy ni nge yog Got ngorad, ya gagiyeg nu tharmiy e ke thap ngorad.”

Matthew 5:3

“Gin’en ni ga ba’ riy e thingari t’uf rom e en ni ir e mmigid ngom ni gowe gur.”

Matthew 22:39

“Mu rin’ed ngak boch e girdi’ e tin ni ir e gimed ba adag ni ngar rin’ed ngomed.”

Luke 6:31

“Ri kab felan’ e piin ni kar rung’aged e thin rok Got ma kar pired ni yad be fol riy!”

Luke 11:28

“Bin riyul’ e yafos ku be’ e gathi ni ngongliy ko pi n’en ni ir e mmil suwon ngak faanem, ndemtrug rogon feni yoor ban’en rok.”

Luke 12:15

“Faanra bay e ggan rodad nge mad ni nga don’ed, ma susun e ke gaman e tin ni nge yog ngodad.”

1 Timothy 6:8

“Ba gel e felfelan’ ni ma yib ko pi’ ban’en ngak be’ ko bin ni be’ e nge pi’ ban’en ngom.”

Acts 20:35

“Mu pi’ e gilab rom ngak Somol, ma bayi n’ufegem; dariy e ngiyal’ nra pag e piin yul’yul’ ngar meewargad.”

Psalm 55:22, BT

“Mu tanom nib fel’ rogon ma ra yoor ni nge yog ngom; ma faan ga ra abab ma dariy e ngiyal’ ni ga ra gaman.”

Proverbs 21:5, BT

“Dab mu tamdag, ya gu ba’ rom. I gag e Got rom, dab mu rus nga ban’en. Bay gu gelnigem mu gu ayuwegem; bay gu yoror rom mu gu ayuwegem nga paag nib gel.”

Isaiah 41:10

“Mini’ e aromed nrayog ni ku ra mun in e rran ngak ko biney e tamilang ni faanra i magafan’ ngay?”

Matthew 6:27

“Ere dabi magafan’med nga rogomed gabul; ya ba gaman e tin nra magafan’uy ngay ni ba’ riy. Dariy fan ni ngku ni puthuy boch e magafan’ ko magafan’ ni be fek e yu rran i yib.”

Matthew 6:34

“Nguum ngongolgad ni bod rogon e girdi’ nib gonop. Urngin yay nra mab e kanawo’ ngomed ma ngam maruwelgad ngay ni fan ko tin nib fel’.”

Efesus 5:15, 16

“Dariy ban’en ni nge magafan’med ngay, machane faan gimed ra meybil ngak Got mi gimed ning ngak e tin ni nge yog ngomed, ma gubin ngiyal’ ni nguum ninged ngak ni gimed be pining e magar ngak u lanin’med. Ma gapas rok Got ndabi chuchugur ni nge nang e girdi’ fan e ra yororiy gum’ircha’med nge tafinay romed ngi i par rok Kristus Jesus.”

Filippi 4:6, 7

PIIN FIGIRNGIY/PI MATAM

“Pumoon e thingari t’uf rorad e piin nleengirad ni bod rogon nib t’uf dowrad rorad. Re moon nib t’uf leengin rok e aram e be t’ufeg ir. Ya dariy be’ ni kaa fanenikay e birok e dowef. Ya ma duruw’iy ma ma ayuweg . . . Urngin e pumoon e thingari t’uf rok leengin ni gowa ir.”

Efesus 5:28, 29, 33

“Gallibthir, dab um puwan’gad ngak pi fakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’nagrad nrogon, mi gimed fonownagrad nrogon girdien Kristus.”

Efesus 6:4

PIIN LEENGIY

“Urngin e ppin ni thingari ta’ fan figirngin.”

Efesus 5:33

“Piin ni ppin, mu folgad ko thin rok pi figirngimed, ya ereray e n’en ni ngam rin’ed nrogon ni ma rin’ girdien Kristus.”

Kolose 3:18

PIIN BITIR

“Piin ni bitir, thingar mu folgad rok e gallibthir romed nrogon girdien Kristus, ya ereray e tin nib mat’aw ni ngan rin’. ‘Mu liyor ko chitamam nge chitinam’ e bin som’on e motochiyel ni bay bbugithin nni yigey ngay ni gaar: ‘ni fan e nguum par nib fel’ rogom, me n’uw nap’an ni mu par u daken e binaw.’”

Efesus 6:1-3

“Piin ni bitir, thingar um folgad ko thin rok e gallibthir romed ni gubin ngiyal’ nrogon girdien Kristus, ya ereray e n’en ni ba adag Got.”

Kolose 3:20