Uw Rogon ni Gad Ma Motoyil ngak Got?

Ma non Got ngodad u daken e Bible. 2 Timothy 3:16

Bin riyul’ e Got e pow’iy boch e girdi’ ngar yoloyed e n’en ni be lemnag nga lan ba ke babyor nib thothup. Re ke babyor nem e aram e Bible. Bay e thin riy nib ga’ fan ni baadag Got ni ngam nang.

Manang Got e n’en nra fel’ rogodad riy, ma Ir e yib e gonop rok. Faan ga ra motoyil ngak, ma ra yog e gonop ngom.​—Proverbs 1:5.

Baadag Got ni nge urngin e girdi’ u fayleng mi yad beeg e Bible. Ma chiney e kan pilyeg e Bible nga boor mit e thin.

Faanra ga baadag ni ngam motoyil ngak Got, ma thingar um beeg e Bible ngam nang fan e thin riy.

Gubin yang ni be motoyil e girdi’ riy. Matthew 28:19

Pi Mich Rok Jehovah e rayog ni ngar ayuweged gur ngam nang fan e n’en ni be yog e Bible.

Yad ma fil e tin riyul’ u murung’agen Got ngak e girdi’ u fayleng i yan.

Dariy puluwon e fol Bible. Ku rayog ni ngam fil murung’agen Got u Kingdom Hall ko Pi Mich Rok Jehovah.