Ke Par Job nib Yul’yul’ ni Yugu Aram Rogon ni Mada’nag e Skeng

I par Job ko fare binaw nu Uz u nap’an ni immoy piyu Israel u Egypt ni yad e sib. Yugu aram rogon ni Job e gathi be’ nu Israel, machane i par nib yul’yul’ ngak Jehovah. Boor girdien e tabinaw rok, maku ir be’ nib fel’ rogon, ma boor e girdi’ ko binaw rok ni yad ma tayfan. Ir be’ nib fel’ rogon ni ma fonownag e girdi’, maku der ma laniyan’ u nap’an nra pithig e oloboch ko girdi’. Ku ma ayuweg e piin nib gafgow ndariy ban’en rorad. Ere, Job e ir be’ ni i par nib yul’yul’ ngak Jehovah.

Ke m’ug ko ngongol rok Job ni Jehovah e aram e Cha’ nth’abi ga’ fan u lan e yafos rok

1:8-11, 22; 2:2-5

• Ke guy Satan ni be par Job nib yul’yul’ ngak Jehovah. De yog Satan nder yul’yul’ Job ngak Got. I yog ni be pigpig Job ngak Jehovah ni gathi bochan e ba t’uf Jehovah rok, ya bochan e n’en ni be yag riy ngak

• I yog Satan ni be pigpig Job ngak Jehovah ni gathi bochan e ba t’uf rok, ya bochan e n’en ni be yag riy ngak

• Ra nge tamilang e n’en ni be yog Satan u murung’agen Job, ma aram e ke pag Jehovah Satan ni nge skengnag Job ni ir be’ ni be par nib yul’yul’. Boor e kanawo’ ni gay Satan rogon ni nge magawonnag e yafos rok Job

• Nap’an ni yag rok Job ni nge par nib yul’yul’ ngak Jehovah, ma aram me chel Satan nge yog ni fan ni be par e tin ni ka bay e girdi’ ni yad ba yul’yul’ ngak Jehovah e bochan e pi n’en ni be yag riy ngorad

• De ngongliy Job reb e denen nib togopuluw ngak Got maku de yog nib kireb e n’en ni ke rin’ Got