Job ni Ir Be’ nib Yul’yul’ e Ke Weliy Gelngin e Kireban’ ni Ke Tay

Yugu aram rogon nrib gel e gafgow ni tay Job, ya ke yim’ pi fak, ma ke yib ba mit e m’ar ngak, machane i par nib yul’yul’ ngak Jehovah. Ere, bay boch ban’en ni rin’ Satan ngak ni nge k’aring ni nge mulan’ ya nge dabki par nib yul’yul’ ngak Jehovah. Immoy dalip e “tafager” rok nra bad ni ngar guyed. Som’on e ra weliyed boch ban’en ni nge m’ug riy ni gowa riyul’ ni yad be gay rogon ni ngar fal’eged laniyan’ Job. Ma aram mar pared rok Job ni medlip e rran nge nep’ nde yog bagayad taab bugithin nrayog ni nge pi’ e athamgil nga laniyan’. Ma nap’an nra nonad ngak ma kemus ni yad be weliy ngak e pi n’en ni i rin’ nde puluw.

I par Job nib yul’yul’ ngak Jehovah ni yugu aram rogon nib gel e togopuluw ni mada’nag

6:3; 7:16; 9:20-22; 10:1, 12

• Bochan nrib gel e kireban’ ni tay Job, ma aram me lemnag boch ban’en nde puluw. Ke tabab ni nge lemnag ndaki ga’ fan ni nge par nib yul’yul’ ngak Got

• Bochan ni ke mulan’ Job ma daki lemnag yugu boch i fan ni be gafgow

• Yugu aram rogon nrib gel e kireban’ ni ke tay Job, machane ke weliy gelngin e t’ufeg rok ngak Jehovah ko fapi tafager rok ni yad be yog ni bay boch ban’en ni ke rin’ nib kireb