Ma Fil Got Ngodad Rogon Ndab Kud Laniyan’gad

Jehovah e der ma laniyan’. (Ac 10:34, 35) Ya gubin e girdi’ ko pi “nam, nge ganong, nge gubin mit e girdi’, ngu gubin e thin” ni taareb rogorad u wan’. (Re 7:9) Ere, aram fan ndariy e laniyan’ u lan e ulung ko Kristiano. (Jas 2:1-4) Gad ba felfelan’ ni bochan ke skulnagdad Got ma aram fan nrayog ni ngad pared u lan e paradis ni be yip’ fan ban’en. Ma rayog ni ngad guyed e girdi’ ni ke thil e ngongol rorad. (Isa 11:6-9) Ere, faan gad ra athamgil ni ngad chuweged e laniyan’ u lan gum’ircha’dad ma aram e rayog ni ngad micheged ni gad be folwok rok Got.​—Efe 5:1, 2.

NGAN YALIY FARE VIDEO NI KENGGIN E JOHNY AND GIDEON: ONCE ENEMIES, NOW BROTHERS, MIN PI’ E FULWEG KO PI DEER NI BAARAY:

• Mang fan nib fel’ e skul ni ma tay Jehovah ko girdi’ rok u rogon ni ngar chuweged e laniyan’ nga rogon ni ma gay e girdi’ rogon ni ngar chuweged e re magawon ney?

• Mang boch ban’en ni ga baadag ni bochan e t’ufeg ni bay u thilin e pi walag u ga’ngin yang e fayleng?

• Uw rogon ni ngad n’ufed Jehovah u nap’an ni gad ra gay rogon ni ngad ayuweged e taareban’ ni bay u thildad e pi walag?