“Faanra Ba Adag Bigimed ni Nge Mang Ir e Ba Tolang, Ma Ir e Thingari Mang Tapigpig Romed”

20:28

Pi tamachib ko motochiyel nge pi Farise ni yad ba tolangan’ e yad baadag ni ngar rin’ed boch ban’en ya nge yag nni pining e sorok ngorad me ga’ farad u wan’ e girdi’. (Mt 23:5-7) Machane Jesus e ba thil ya be gaar e Bible: “En ni Fak e Girdi’ nde yib ni ngan pigpig ngak, machane yib ni nge pigpig.” (Mt 20:28) Ere gur, gad ma tiyan’ nga boch ban’en ni gad ma rin’ ni fan ko liyor rodad ngak Jehovah ni bochan e nge ga’ fadad u wan’ e girdi’ min pining e sorok ngodad? Faanra gad baadag ni ngad fel’gad u wan’ Jehovah, ma ngad gayed rogon ni ngad boded Jesus ma gad rin’ e tin rayog rodad ni ngad ayuweged e girdi’. Pi n’ey ni gad ma rin’ e ba ga’ nder ma guydad e girdi’ ya yigoo Jehovah e manang. (Mt 6:1-4) Reb e tapigpig nib sobut’an’ e ra . . .

• un i klinnag ma be ayuweg Tagil’ e Liyor rodad

• ayuweg e piin pilibthir nge yugu boch e girdi’ ni yugu aram rogon ndawor nog ngak ni nge rin’

• pi’ e salpiy ni ayuw ni fan ko fare maruwel ni machib