Aningeg Ni’ ni Yad Be Yan u Daken Aningeg i Os

6:2, 4-6, 8

I yan Jesus “nrogon be’ ni ma gel ko mahl” ni nge cham ngak Satan nge pi moonyan’ rok ni yad bay u tharmiy me gel ngorad ma aram me yon’rad nga fayleng. Ki ulul Jesus ni nge gel ni fan ko pi tapigpig rok ni aram e be ayuwegrad ma be yoror rorad u nap’an e ngiyal’ ney ko tin tomuren e rran. Maku ra “yan ko mahl nge gel” u nap’an nra taleg fa dalip ni’ ni yad be yan u daken fapi os u nap’an e Armageddon. Tomuren e re n’ey, ma ra chuweg wenegan e n’en ni buch ni bochan e gafgow nge mogothgoth ni kar ted.