Rayog ni Ngam Weliy e N’en nib Michan’um Ngay, Fa?

Faanra fith be’ ngom ko mang fan nib mich u wan’um ni Got e ir e ke sunmiy urngin ban’en, ma mang e ga ra yog? Ra nge yag nim pi’ e fulweg u fithik’ e pagan’, ma bay l’agruw ban’en nthingar mu rin’: Som’on e, thingari mich u wan’um ni fare machib ni Got e ir e ke sunmiy gubin ban’en e ba riyul’. (He 5:14) Ngemu’, mag lemnag rogon ni ngam weliy ngak be’ e n’en nib michan’um ngay.​—Pr 15:28.

NGAN YALIY FA GAL VIDEO NI KENGGIN E AN ORTHOPEDIC SURGEON EXPLAINS HER FAITH NGE A ZOOLOGIST EXPLAINS HIS FAITH NI NGAN GUY FAN NIB MICH U WAN’ BOCH E GIRDI’ NI GOT E KE SUNMIY GUBIN BAN’EN, NGEMU’ MIN PI’ E FULWEG KO PI DEER NI BAARAY:

• 

  Mang fan nib mich u wan’ Irène Hof Laurenceau ni Got e ke sunmiy gubin ban’en ma der mich u wan’ fare machib ni ke sum e girdi’ ko gamanman?

• 

  Mang fan nib mich u wan’ Yaroslav Dovhanych ni Got e ke sunmiy gubin ban’en ma der mich u wan’ fare machib ni ke sum e girdi’ ko gamanman?

• Uw rogon ni ga ra weliy ngak be’ fan nib mich u wan’um ni Got e ke sunmiy gubin ban’en?

• Mang boch ban’en ni ke ngongliy e ulung rok Jehovah ni bay ko thin rom nra ayuwegem ni nge mich u wan’um ni ke sunmiy Got gubin ban’en, me yag ni ngkum weliy e re n’ey ngak boch e girdi’?