BIN 1

N’en nib Fel’ ni Nga Nog Nsom’on

Acts 17:22

N’EN NI NGAN RIN’: Tin som’on e thin ni nga mog e susun nra adag be’ ni nge motoyil ngay, ma ra tamilangnag e n’en ni ga be weliy, nge fan nib t’uf ni ngan motoyil ngay.

ROGON NI NGAN RIN’:

Mu guy rogon ni nge motoyil. Mmel’eg reb e deer, ara ban’en ni ke buch, ara ban’en ni kan weliy ko news, ara mog ban’en nra adag be’ ni nge motoyil ngay.

Mu fal’eg i lemnag u m’on riy e pi n’en ni baadag e girdi’ ni ngan weliy ara pi n’en ni be magafan’rad ngay, mag guy rogon ni nge par ni aram e n’en nsom’on ni nga mog.
Mu tamilangnag e n’en ni ngam weliy. Tin som’on e thin ni nga mog e susun ni nge tamilangnag e n’en ni ga be weliy nge fan.
Mu tamilangnag fan nib ga’ fan e n’en ni ga be weliy. Mu guy rogon ni nge puluw e n’en ni ga be yog ko tin nib t’uf ko piin be motoyil. Thingari tamilang u wan’rad rogon nrayog ni nge ayuwegrad e pi n’em.

Nap’an ni ga be fal’eg e welthin rom, mag fithem ni nge lungum, ‘Mang magawon e be mada’nag e pi walag u lan e ulung?’ Ngemu’ mag puluwnag e n’en ni nga mog ko tin nib t’uf rorad.