Ke Dag Josef ni Ir Be’ ni Ma T’ar Laniyan’

42:5-7, 14-17, 21, 22

Gur, rayog ni ngam susunnag rogon laniyan’ Josef u nap’an ni mada’nag pi walagen ni pumoon u ba ngiyal’ nde lemnag? Sana rayog ni nge yog ngorad ko ir mini’ ngemu’ me gumuchmuch ngorad, fa reb e nge fulweg taban e kireb ni kar rin’ed ngak. Machane i fal’eg i lemnag boch ban’en u m’on ni nge rin’ ban’en. Mang e ga ra rin’ ni faanra bay ban’en ni ke rin’ girdien e tabinaw rom ara yugu boch e girdi’ ngom nde puluw? N’en ni rin’ Josef e be fil ngodad feni ga’ fan ni ngaud t’ared lanin’dad, ma ngkud pared ni gad ba gapas ko bin ni ngad folgad ko n’en ni be yog gum’ircha’dad ngodad nib sasalap, ma gad yan nga lanin’dad ndab da lemgad u m’on riy.

Uw rogon nrayog ni ngam folwok rok Josef u nap’an ni kam mada’nag boch e magawon u lan e yafos rom?