N’en ni Be Yog e Bible

Bin ni Kan Printnag

Bay mat’awun Jehovah Got ni nge gagiyegnag urngin ban’en. Ma birok e gagiyeg e aram e bin th’abi fel’. Ra lebug e n’en nib m’agan’ ngay ni fan ko fayleng nge girdi’.

Yaan Adam nge Efa u lan fagi Milay’ nu Eden ni bay fare porchoyog u toobrow

Tomuren e duw ni 4026 B.C.E.

Ke togopuluw fare “porchoyog” nga mat’awun e gagiyeg rok Jehovah nge rogon ni be gagiyeg. Ke micheg Jehovah nra yib be’ ni “fak” ara owchen ni ir e ra bilbilig lolugen fare porchoyog ni aram Satan. (Genesis 3:1-5, 15, BT) Machane, ke pi’ Jehovah e tayim ko girdi’ ni ngar gagiyegnaged yad u tan pa’ Satan.

Ke rung’ag Abraham e n’en ni ke micheg Got

1943 B.C.E.

Ke yog Jehovah ngak Abraham nra yib faen ‘owchen’ ko tabinaw rok.—Genesis 22:18.

Tomuren e duw ni 1070 B.C.E.

Ke micheg Jehovah ngak David ni Pilung nge Solomon ni fak nra yib faen ‘owchen’ ko ganong rorow.—2 Samuel 7:12, 16; 1 Kings 9:3-5; Isaiah 9:6, 7.

29 C.E.

Ke yog Jehovah ni Jesus e ir faen ‘owchen’ ni kan micheg ma ir e ra yan nga lon David ni nge gagiyeg.—Galatia 3:16; Luke 1:31-33; 3:21, 22.

33 C.E.

Ke k’ad fare porchoyog ara Satan wurilen ay Jesus ni ir faen “fak” ara owchen fare pin ni kan micheg ni aram e n’igin ni ngan li’ nge yim’. Tomuren e re n’ey, ma aram me faseg Jehovah Jesus, me yan nga tharmiy me m’agan’ ko fare biyul ni pi’. Bochan e re n’ey, ma aram me yag ni nge n’ag Jehovah fan e denen rok pi fak Adam, miki yag bayay e athap ko yafos ni manemus ngorad.—Genesis 3:15, BT; Acts 2:32-36; 1 Korinth 15:21, 22.

Fare porchoyog ni be yip’ fan Satan ni ka nin’ nga fayleng ni bod rogon ni kan micheg u lan fare babyor ni Revelation

Bang ko duw ni 1914 C.E.

Ke yin’ Jesus fare porchoyog ara Satan nga fayleng ma bayi par nib ngoch nap’an.—Revelation 12:7-9, 12.

Jesus ni ke par nga tagil’ u tharmiy me gagiyegnag e fayleng ni bod rogon ni kan micheg u lan fare babyor ni Revelation

Boch Nga M’on

Jesus e ra kalbusnag Satan u lan 1,000 e duw ma tomuren e re ngiyal’ i n’em ma aram me thang. Ra lebug e n’en nib m’agan’ Jehovah ngay aram ko tabolngin ni fan ko fayleng nge girdi’, ma ra tal e moning ni yibe tay nga fithingan, me gagiyel feni tolang e gagiyeg rok.—Revelation 20:1-3, 10; 21:3, 4.