Uw Rogon ni Ngam Fal’eg Rogom ni Fan ko Puguran?

Ra tabab e biney e duw ma ra yoor e tayim ni ngad fal’eged rogodad ni fan ko Puguran ko yam’ ni tay Kristus. Nap’an nra yan i aw fare Puguran nga reb e rran u lan e wik, ma aram e dab ni tay fare muulung ni Pi N’en ni Ma Rin’ e Piin Kristiano nge Machib ni Yad Ma Tay ko re wik nem. Ma faanra aw e Puguran ko Sabado ara Madnom, ma aram e dab ni tay e muulung ni bay e welthin riy ni yira pi’ ni fan ko yoor nge Fol Wulyang ko Damit. Ere bochan ni ke yoor boch e tayim nrayog ni ngan fanay, ma gur, ga ra maruwel ko re tayim ney nib fel’ rogon, fa? Bay boch ban’en nthingar nrin’ ni fan ko re madnom ney ni bod rogon e n’en nni rin’ ko bin som’on e chibog. (Lu 22:7-13; km 3/15 1) Machane ku bay boch ban’en nthingar da rin’ed ya nge yag ni ngari yib angin e re madnom ney ngodad. Ere uw rogon ni ngad rin’ed e re n’ey?

• Mu fal’eg i lemnag feni ga’ fan ni ngan un ko re madnom ney.​—1Ko 11:23-26

• Mmeybil mag lemnag rogon e tha’ u thilmew Jehovah.​—1Ko 11:27-29; 2Ko 13:5

• Mu beeg mag fal’eg i lemnag e pi babyor nib puluw e thin riy ko Bible ni be weliy murung’agen fare Puguran.​—Joh 3:16; 15:13

Bay boch e walag ni yad ma beeg mi yad fal’eg i lemnag e thin nu Bible ni ngan beeg ni fan ko Puguran ni bay ko fare babyor ni Examining the Scriptures Daily. Ku bay boch i yad ni ma beeg e pi thin nu Bible ni bay ko re chart ni baaray u but’. Maku bay boch i yad ni ma sul ngaur beeged boch e article u lan e Wulyang ko Damit ni be weliy murung’agen e Puguran nge t’ufeg ni ke dag Jehovah nge Jesus ngodad. Ere demtrug e n’en ni kam dugliy ni ngam fanay ya nge yag ni ngam fil murung’agen fare Puguran, ma manga yigi gelnag e tha’ u thilmew Jehovah nge Fak.