Uw rogon ni ngam fil murung’agen Got?

“Thingari dab mu pag talin fare babyor ko Motochiyel, thingar um fil ni rran nge nep’, ma ngam guy rogon nguum rin’ urngin ban’en ni ba’ riy ni kan yoloy. Ma pi n’en ni ga ra lemnag ngam dugliy e ra fel’, ma yira rin’ ma ra yan i fel’.”

Joshua 1:8

“Mi yad afweg e thin rok Got ko bin baaram e thin ni manang e girdi’ fan.”

Nehemiah 8:8

“Ba felan’ e cha’ ni ma siyeg ni nge fol ko fonow rok e girdi’ nib kireb . . . , ma ra beeg e motochiyel rok Somol ma ma yib e felfelan’ riy ngak, ma ku aram rogon ni ra beeg ni rran nge nep’ ni bochan e nge nang fan. . . . Urngin e tin ni ma ngongliy e ma yan i aw nib fel’.”

Psalm 1:1-3

“Me mil Filip i yan me rung’ag ni be beeg e thin ko fare babyor ni yoloy Isaiah ni profet; ma aram me fith ngak ni gaar, ‘Mog, ga be nang fan e pi n’ir ni ga be beeg?’ Me fulweg fare moon nib tolang ni gaar, ‘Uw rogon mu gu nang fan ni faanra dabi weliy be’ fan ngog?’”

Acts 8:30, 31

“Ka nap’an ni sunmiy Got e fayleng, ma fel’ngin ndabiyog ni ngan guy, ni aram gelngin ndabi m’ay biid nge rarogon ni ir Got, e kan guy nrib tamilang. Girdi’ e rayog ni nge nang fan e pi n’ey u fithik’ e pi n’en ni ke m’ay i sunumeg rok Got. Ere dakuriy e tawey rorad nga bayang!”

Roma 1:20

“Um rin’ e pi n’ey ma ga tiyan’um ngay, nge yog ni guy e girdi’ ni gubin ni ga be mon’og i yan.”

1 Timothy 4:15

“Ere nge bagadad ma ngi i lemnag bagadad, ma nge bagadad ma ngi i ayuweg bagadad ma be dag ngak nib t’uf rok ma be rin’ e tin nib fel’ ngak. Ma ngad guyed rogon ndab da paged e muulung rodad.”

Hebrews 10:24, 25

“Machane faanra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.”

James 1:5