Rogon ni Ngan Digey e Masturbation

Masturbation e reb e ngongol nib alit ma dabun Got, ya ma k’aring be’ ni nge par ni goo ir e be lemnag ir, ma ma alitnag lanin’uy.a Be’ ni ma rin’ e biney e ngongol e ma lemnag ni be’ e nga i fal’eg laniyan’. Maku ma lemnag ni par ko pumoon nge ppin e gathi aram reb e kanawo’ ni ma dag e pumoon nge ppin e adag rorow riy, ya aram ban’en ni yima rin’ ni nge fal’eg lanin’uy me chuweg e ar’ar u fithik’ i dowey. Machane, faanra i ar’ar be’ ni aray rogon mab mo’maw’ ni nge chuw. Bin riyul’ riy e be’ ni ma rin’ e biney e ngongol e dabiyog ni nge li’ ngem’ e ar’ar ‘ni be maruwel u fithik’ i dow, ni aram e darngal, nge puwlag,’ ya fin aram e be gel.​—Kolose 3:5.

I yoloy apostal Paul ni gaar: “Pi tafager rog ni gimed ba t’uf rog, urngin e pi thin ney e ke yog Got nra rin’ ngodad! Ere ngad pithiged gadad u urngin ban’en ni ma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e nguud pired ni ba’ madgun Got u wan’dad.” (2 Korinth 7:1) Faanra be mo’maw’ ngom ni ngam fol ko pi thin ney, ma dabi mulan’um. Jehovah e ma ‘n’ag fan u wan’ e kireb’ ma rayog ni nge ayuwegem. (Psalm 86:5; Luke 11:9-13) Ga ra athamgil ni yugu aram rogon ni ka ga ma oloboch yu ngiyal’, ma be m’ug riy nriyul’ ni ga be athamgil ni ngam pag e biney e ngongol. Maku dab mu pagtalin ni “Got e ka ba ga’ nga lanin’dad, ni gubin ban’en ma manang.” (1 John 3:20) Got e gathi goo denen rodad e ma yaliy, ya ma yaliydad ni polo’. Bochan e re n’ey ma aram fan ni gad ra wenig ngak ma ma runguydad. Ere, dabi chalbam ni ngaum meybil ngak Got u fithik’ e sobut’an’ ni bod reb e bitir ni ke yan ngak e chitamangin ni nge ayuweg u nap’an ni ke magawon. Ra ayuwegem Jehovah nge beech e nangan’ rom. (Psalm 51:1-12, 17; Isaiah 1:18) Riyul’ nib t’uf ni ngam rin’ boch ban’en nib puluw ko meybil rom. Bod ni susun e ngam athamgil ni nge dab ku um yaliy yaan e ngongol ni puwlag ma dab ku um chag ko girdi’ nib kireb.b

Faanra ka be mo’maw’ ni ngam digey e re ngongol ney, mag athamgil ngam ning e ayuw ko gallabthir rom ni Kristiano ara reb e fager rom u lan e ulung ni ke ilal ko tirok Got ban’en.c​—Proverbs 1:8, 9; 1 Thessalonika 5:14; Titus 2:3-5.