Rofen ni Th’abi Ga’ Fan

Aram e rofen ni yim’ Jesus Kristus riy. Mang ni ri ba ga’ fan e yam’ ni tay Jesus? Boor fan.

Yul’yul’ ni tay Jesus nge mada’ ko yam’ e ke micheg ni rayog ni nge par e girdi’ nib yul’yul’ ku Got.

Yam’ ni tay Jesus e ke bing e kanawo’ ngak boch e girdi’ ke yog ni ngar uned ngak ko gagiyeg u tharmiy. Maku ke bing e kanawo’ ngak e girdi’ ni yoor ni ngar pared ni manemus u paradis u fayleng.

Fare nep’ u m’on ni yim’ Jesus, me fanay e flowa ni dariy e is riy nge wain nib rowrow ni be yip’ fan e yafas rok ni nge pi’ ni maligach. Me gaar ngak pi gachalpen: “Ereray dowag ni kan pi’ ni bochmed. Um rin’ed e re n’ey ngi i pugurag ngomed.” (Luke 22:19) Ngam mu lemnag e re madenom ney ni ba ga’ fan.

Be piningem e Pi Mich Rok Jehovah ni ngam un ngorad i madenomnag e Puguran ko yam’ ni tay Jesus. Biney e duw ra aw e rofen ney ko aningeg fen e maruwel ko April 9 ni ma aw i yal’. Rayog ni ngam un ko re madnom ney u Kingdom Hall ko Pi Mich Rok Jehovah. Wenig ngom mu fith bagayad ko tayim nge gin’en ni ngan muulung riy.