Ba Uw Got? — LIBRARY U ONLINE ni fan ko Wulyang ko Damit

Ba Uw Got?

September 11, 2001: Nap’an e 8:46 ni kakadbul, me aw reb e sikoki ko ley ni lel’uch ko fare naun u New York ni ka nog e World Trade Center ngay. Ke yoor e kireb ni ke lemnag e terrorist ni ngar rin’ed, ma reb riy e ram. Sogonap’an 3,000 e girdi’ ni kar m’ad u lan 102 e minit.

December 26, 2004

Ba durru’ ni ke sum u lan e Indian Ocean e ke k’aring e n’ew nib tolang, ma ke gothey 11 e nam nib muun yu Africa ngay ni sogonap’an 3,000 e mayel palogin nga orel. U lan taareb e rran ma 150,000 e girdi’ ni kar m’ad fa ka ranod nga bang ni dan nang murung’agrad, mab pag reb e milyon e girdi’ ndakuriy e naun rorad.

August 1, 2009: Be’ nib pumoon ni 42 e duw rok e yow be yan ba pagal ni fak ni 5 e duw rok u jet ski, mar chafinegew bangi ban’en ni ma par e bowoch riy u maday, me yim’ fare pumoon ni ka chi ngiyal’ nem. Fachi pagal e yan i bin migid e rran me yim’. I yog reb e girdi’ rorow ni gaar, “Ri gamad be athapeg ni manga yigi gol.”

Nap’an ni ga ra beeg murung’agen e kireb ni be ngongliy e terrorist, ara durru’, yoko’, nge ku boch ban’en ni be buch, ma ga ma lemnag ko be guy Got e n’en ni be buch, fa? Ma ka ma lemnagdad, fa? Bible e ra pi’ e fulweg ko gali deer ney. Ma aram e n’en ni gad ra guy ko bin migid e thin.

[Picture Credit Lines on page 3]

PRAKASH SINGH/AFP/Getty Images