Fare Calendar ko 2011 e Be Tamilangnag Rogon e Fol Bible ni Tabinaw

Fol Bible ni Tabinaw e aram kenggin e thin ko fare 2011 Calendar of Jehovah’s Witnesses. Re calendar ney e be dag yaan e tabinaw e ngiyal’ ney nge tabinaw u lan e Bible. Maku be dag yaan e pi tapigpig rok Jehovah ni piin mabgol nge piin dawor ra uned ko mabgol ni yad be fil e Thin Rok Got.

Girdi’ ni bay murung’agrad u lan e Bible ni bay ko re calendar ney e kar falfalan’gad ko motochiyel rok Jehovah ma aram e n’en ni ke ayuwegrad ngar gelgad ko pi magawon rorad. (Ps. 1:2, 3) Nap’an ni gad ra yaliy e pi sasing nem ma ra puguran ngodad fene rib ga’ fan e Fol Bible ni Tabinaw, ni demtrug ko boor e girdi’ ko tabinaw rodad fa danga’, fa taab lanin’dad ko tirok Got ban’en fa danga’. Bay bang u lan fare calendar ni ngam tay e rran ni kam dugliy ni ngam tay e Fol Bible ni Tabinaw ngay. Ere kam fal’eg fa dawor?