AZI’NÉ 08
O ghô tchi’è éssoo Joovah
Joovah a si nkông-ô nguè o zhè yi mbông-ô. Mela’akô? A si ntsaa nguè o zeung nku’né éshieuè wou a léghô éssoo yi, afœu’ zi o si nông nku’nè nzi’nè atshuè zi, nzi’nè ménzhè mi, mbô akwangté zi a lé ghé pôô épouô ménông ngwè. Tè o ghô kwa’ ntchi’è éssoo Ndem? (Tông-ô Psaume 25:14.) O ghô kwa’ ngheuè akezou té ndôk ntchi’è éssoo yi? Biible a tsô’ ménzèté mouô mèt, mbing nkè’té éshoung mela’poup tè, léssoo pô Joovah é si ngô kwa’ mbông léssoo té mmô’ étsi gning-nông a ghô wè.
1. Joovah a si ntông-ô wou nguè o tchi’è awô gning a mbou yi?
“Pè tshouté nèt mbaatè Ndem, a ping ntshoutè zi nèt mbaatè wè.” (Jacques 4:8) A lôkô ndeuè nguè akô? Joovah a si ntông-ô wou nguè o tchi’è éssoo yi. A ghô teue a mbou émô’ épouô tè’, awôp létchi’è éssoo gning yi pô té si njiô yi; pô zeung nkwangté poup anè Ndem. Téta’, Joovah a nteu Ashoung-né zi, azi si ngô Biible, énông nkè’tè shoung-ô yimpè ajouô tseum zi mpè pôngtè lézhè anè yi, ndôk ntshouté nèt mbaatè yi. Afœu’ zi mpè si ntông-ô nkeu Ndem yi é nteu Biible, léssoo tsimpè pô yi, é ku’né nkwhi tè mbô pa’ mpè laa nzi njiô yi.
2. Mela’akô Joovah a si ngô a mbông Éssoo té mmô’ éyi o ghô wè?
Mmô’ gning yi a ghô kông-ô wou té ntôkô Joovah, a pou té wou. A si nkông-ô nguè o pou ngôô mé lékak, mbing éshi’è mvhô yi éfœu’è akô lè zi o kông. O ghô ‘pou mma’ api’è jou ntseum anè yi, mela’mi yi mè si mbou ntoung-nè wou.’ (1 Pierre 5:7) Joovah a ghô té ntshouô té kuité méssoo pi, éseumtè wôp, mbing nzeung njou’ô wôp éfœu’ zi a si nzètè.—Tông-ô Psaume 94:18, 19.
3. Gning a ghô ghaa tè pô Joovah é ghô méssoo?
Joovah a kông épouô ménông ntseum, “nké mbing mbou ntswhi nkông épouô pi pô ndeung-ndeung.” (Proverbes 3:32) Joovah a si ntsaa nguè méssoo pi é kak méteue ndôk ngheuè ajoumi a ndeung-ndeung a mvhô yi, mbing ndœuô’ métsoo mi é mbou yi ngô ajouô tépông. Émô’ épouô é ghô kwang nguè pô pou ngô lé kou’ô wôp a lézing anè mémbeu Joovah. Téta’, Joovah a ké mbông anou. A pou mveung-è awô gning lè yi a kwa’ ntsui nguè a kông-ô yi, mbing mbou nkak méteue ndôk ngheuè ajoumi a pông-ô yi.—Psaume 147:11; Actes 10:34, 35.
TCHHI-NÈT NTSA’A MBÔNG-Ô
Ku’nè fa’a lézhè ajoumi o ghô gheu té ndôk ntchi’è éssoo Joovah, mbing fa’ té njiô mela’poup tè a si ngô mbông Éssoo té mmô’ éyi o ghô wè.
4. Abraham a lè éssoo Joovah
Pêté Biible anè Abraham (éyi mè lè nzeung-è ntông-ô yi lè Abram) a kuitè yimpè a lézhè ajoumi léghô éssoo Ndem, a lôkô ndeuè. Tông-ô pêté Abraham a nteu Genèse 12:1-4, mbing ntsô’ ménzèté mouô:
Joovah a lé zètè Abraham nguè a gheuè akô?
Joovah a lé la’nè yi akô?
Abraham a lé gheu lèkô anè ajoumi Joovah a lé tseuknè mbou yi?
5. Ajoumi Joovah a si nzu’tè a mbou méssoo pi
Mpè kông nguè méssoo pimpè é gheu émô’ métsoo a mbou pimpè.
Émô’ métsoo mi o kông nguè méssoo pou é gheuè mbou wou, é si ngô émiè?
Tông-ô 1 Jean 5:3, mbing ntsô’ nzèté jiô:
Joovah a si nzu’tè akô a mbou méssoo pi?
Mpè nông nkông-ô léjou’ ntchou Joovah, mbô mpè pôngtè lékoumné métsoo anè lénang tsimpè, mbô anè atshuè zimpè. Tông-ô Isaïe 48:17, 18, mbing ntsô’ nzèté jiô:
Mela’akô Joovah a si nzètè nguè méssoo pi é koumné ntsi lénang zôp, mbô atshuè zôp-é?
Ta’ mbông éssoo a ghô kimtè yimpè métsoo mi, é ghô kaptè yimpè, mpè ping nzeung njheuè apè éwou. Joovah a zeung ngheu poup a mbou méssoo pi
6. Ajoumi Joovah a gheu a mbou méssoo pi
Joovah a kuité méssoo pi, a lésseuk ménguengue môp. Jiô VIDÉO wouô, mbing ntsô’ nzèté jiô.
Méngwi yi a nteu vidéo wouô a lé nông njou’ô tépông, mbing nzeung ngwè mékwangté tépông, Joovah a ping nkuitè yi é lèkô?
Tông-ô Isaïe 41:10, 13, mbing ntsô’ ménzèté mouô:
Joovah a la’né nguè a gheuè akô a mbou méssoo pi ntseum?
Tè o jiô jou nguè Joovah a ghô ghô mbông Éssoo? O leuè poup mela’akô?
Mépông méssoo é kuité éfœu’ zi a si nzètè. Joovah a zeung kuitè wou jou poup
7. O ghô éssoo Joovah mbô a si nzètè nguè pè yi é shoung-né
Méssoo é shoung-né éfœu’ métseum pa’a, léssoo tsôp é ku’né nteueté. Tông-ô Psaume 86:6, 11, mbing ntsô’ ménzèté mouô:
Mpè ghô tsia anè akô té shoung-né a mbou Joovah?
Joovah a ping ntsia anè akô té shoung-né a mbou pimpè?
Mpè tsia anè apriya, éshoung-né a mbou Joovah; a ping ntsia anè Biible té shoung-né a mbou pimpè
ÉMÔ’ ÉPOUÔ É LEU NGUÈ: “Gning a pou ngô lé kou’ô yi a létchi’è éssoo Ndem-è.”
O ghô lôk étsiè léleung Biible ntsui léghè, mpè ghô kou’ô létchi’è éssoo Ndem?
KIMTÉ
Joovah a si nkông-ô léghô Éssoo wou, a ping kuitè wou a létshouté nèt mbaatè yi.
O ghô tsô’ é lèkô?
Joovah a kuité méssoo pi, é lèkô?
Mela’akô Joovah a zèté nguè méssoo pi é koumné ntsi lénang zôp, mbô atshuè zôp-é?
Tè o jiô jou nguè ajoumi Joovah a zèté a mbou méssoo pi, a teue ntsia lè? O leuè poup mela’akô?
KU’NÈ FA’A LÉZHÈ
Léssoo tsi o wè pô Ndem é ghô koumné lénang tchou é lèkô?
“Joovah a Ndem yi mè pôngtè lézhè yi” (La Tour de Garde, 15 Février , 2003)
Zi’né pa’ gning a ghô tchi’è éssoo Ndem poup.
Jiô pa’ mmô’ méngwi a si njou’ô ngô poup, mela’mi léssoo tsi a wè pô Joovah, é lé kui yi ntsi.
“Ndè té nông nkông-ô lékwheuè!” (La Tour de Garde N° 1 2017)
Jou’ méngwèsso a léshoung pa’ pô si njiô Joovah poup.